قصيدة لا تناديني يحيدر فاطمة / الرادود سيد حيدر الكيشوان مكتوبة

[النبأ العظيم]

قصيدة لا تناديني يحيدر فاطمة / الرادود سيد حيدر الكيشوان مكتوبة

قصيدة :

لا تناديني يحيدر فاطمة
أداء الرادود الحسيني سيد حيدر الكيشوان
وهندسة سيد عقيل الميالي

القصيدة مكتوبة :

يروى عن ام البنين عليها السلام في ليلة زفافها انها قالت للإمام علي (عليه السلام) لي إليك حاجة، قال (عليه السلام): وما حاجتك ؟ قالت: أرجو أن لا تسميني فاطمة لئلا ينكسر قلب الإمامين الحسنين وأختيهما ويتذكروا أمهم، عند ذلك سماها بكنيتها أم البنين.

لا تِنـادينـــــي يحيــــــدر فاطمة

خاف زينب يستعر بيهــا الحنين

والحسن وحسين ياحامي الحمه

يذكرون الزهره واليــوم الحزين

هذا كل الي أريده .. ياولي الدين وعميده .. أمنية گلبي الوحيدة

گـول يا أم البنين

1

خبر من منشأ وفاء الكون أصله ومصدره

قلم تاريخ الفخر هوه الي خطـــــه وحرره

من عقيل اتكلف ابخطبة أعز واشرف مره

للوصي الكرار صنديد الكتايـــــــــب حيدره

گله اريد اتـــدوّر ابيـــــــوت الفخر

اتشوف يابيت انترس غيره ويقين

حُرمه تستاهِــل لقــــــــب أم الگمـر

تنجب الينصـر ثمَـر گلبـــي الحُسين

صاح ياراعي الشهامه .. يافخر تاج الزعامه .. عندي للمگصد علامة

گول يا أم البنين

2

من گبل ما يوصل المبعوث يـم بيت الاصول

گالت الأمهه ييمه صاب وجـداني الذهـــــول

بالحِلـم شفــت العَجَب يايمة سمعيني شگول

چَن گـُمَر واتلث كواكب نزلن ابحجري نزول

والمنام اتحقــق ابهــاي الصفه

بيهه فاروق الديانــات اقتــــرن

أم ابو فاضل صُفــت رمز الوفه

وبمثلها أبـــد ما جــــــاد الزمن

أصبحت بنت الأصاله .. خادمة بيت الرساله .. ناصرة حيدر وآله

گول يا أم البنين

3

سيدي اتگله يحيـــدر يــا أمير المؤمنين

يا وهج نور السمـــاحه ويا إمام المتقين

منك اطلب يا علي بجاه النبي طه الأمين

خادمه اتسجلني في دار الأيمه الطاهرين

اخدم اولاد البتـــوله الفاضله

بلكي تصبح ليّه فاطـم شافعه

يا علي وإسمي أريـــد اتبدّله

حتى مــــا يتذكِـرون الفاجعه

فاجعة كسرة ضلعهه .. ومحسن النزّل دمعهه .. وحَرگة الباب ودفعهه

گول يا أم البنين

4

درة الإيمان چانـــت مو مثل باقــي النساء

دين واخــلاق ومبــــادئ عنفوان وكبرياء

جوهرة تقوى وعباده بدافع الحُب والولاء

معدن الإيثــار هيّــه وهيّه تجسيـــد الوفاء

ربّت اشـبول اربعة اعله التضحيه

للغريب ابكـربلـــــــــــه نِعـْم السند

شبول بيهـم معنـــى الايثـار احتيه

قدموا دمهــم فـــــــــــــداء المُعتقد

فدوه لولاد الزچيه.. هالاقمار الهاشمية .. گوّضَـو بالغاضريه

گول يا أم البنين

5

نور أشرق بالمدينه وغطه كل أرض وسمه

نور من أم البنيـــن الطاهـــــــــــره والعالمه

درس واضح للوفاء النــــــــاس لازم تفهمه

مو طمع لا بَـل ولاء الحيـــدره حامي الحمه

مُنطلقهه الدين مـو نزعة نفس

تدري بالدنيه گصيرة وما تدوم

أم بنين الغيرة هلصارت شمِس

ما تغطيهه أبد كــــــــل الغيــوم

نور باقي للقيــــامه .. جوهرة بيت الإمامه .. باب حاجات وكرامه

گول يا أم البنين

منقول

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

rwd]m gh jkh]dkd dpd]v th'lm L hgvh],] sd] pd]v hg;da,hk l;j,fm

[عاشقة بيت النبي]

موضوع فى قمة الخيااال

طرحت فأبدعت

دمت ودام عطائك

ودائما بأنتظار جديدك الشيق