2013/07/08, 03:41 PM | #1 |
معلومات إضافية
|
طاح العلم ... قصيدة لطم ...
المستهل ـــــــــــــــــــــــــــ طاح العلم / راسه أنهشم / من گطعوا ألچفين صد بألم / نحو الخيم / ناده أعله أخوه حسين ( 1 ) من شال العلم والجود .. وصوب المشرعة أتعنه ظلت صــــــورة الأطفال .. مواقف تحضر بذهنه تقدم والجيوش أتحـــــــوم .. تخــــاف ليمه تدنه ألگمر بأرض الحرب معروف .. يشبه حيدر بفنه راح وعبر / لرض الخطر / يشبه بطـل صفين صد بألم / نحو الخيم / ناده أعله أخوه حسين ( 2 ) لجل طفل الصرخ عباس .. العطش نيرانه بحشايه عبر فــوگ الرگاب أيدوس ..شايل سيفه والــرايه سجل مــــوقفه التاريخ .. وصل للعلگمي ومــــايه غرف مـــــن النهر بيده .. وخـــــــط لكل بشر آيه لاما شرب / لمن گرب / للخوة وفـــــــه الدين صد بألم / نحو الخيم / ناده أعله أخوه حسين ( 3 ) رموه أهل الغدر بسهام .. تبده الماي مــــن الجود وبعينه السهم من طاح .. صوب هامته العامـــــود وبعد ماگطعوا أچفوفه .. شلـون أعله الخيام أيعود لا راية البگت وأچفوف .. ظل أعله الأرض ممدود گلب الحرم / منه أنحرم / هملوا دمــوع العين صد بألم / نحو الخيم / ناده أعله أخوه حسين ( 4 ) وصل صوت ألگمر لحسين .. يودعه ويشرح ألحاله أنفطر گلب الحسين وراح .. بحزن لمـــــــن تعنــاله يشوف بكل كتر طعنة .. وجروحـــــــه أعيون هماله حضن راسه بگلب مجروح .. دمعه أعله الگمر ساله ظل الگمر / أعظم أثر / ثبت أصـــــــول الدين صد بألم / نحو الخيم / ناده أعله أخوه حسين ( 5 ) راد أعله الخيم وياه .. حسين بكل ألــــم يرجع لكن موقف العباس .. بعـــد مثله فلانسمــــــع شلون وجوده مو وياه .. يرد وكل طفل يسمع رفض يم الخيام أيعود .. حليم وطاهرالمرضع ماهمته / بس چلمته / وين ألگــــه مثله وين صد بألم / نحو الخيم / ناده أعله أخوه حسين ( 6 ) الگمر من عافته روحه .. ماصدگ تـــــروح بعيد ترفرف عالسبط ظلت .. ترجـــــــع للطفوف أتريد لأن گلب الگمر معروف .. ميعوف الحسين أوحيد كتب أعظم درس بالدم .. اطلب منه شنهـــو أتريد مــا خيبه / لليندبه / ننخه الگمر كــــــل حين صد بألم / نحو الخيم / ناده أعله أخوه حسين المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي 'hp hgugl >>> rwd]m g'l التعديل الأخير تم بواسطة الشاعر خضير المسيباوي ; 2013/07/08 الساعة 03:53 PM |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طلب العلم | علي الأكبر | المواضيع الإسلامية | 4 | 2013/07/08 03:33 PM |
غرور اهل العلم | شجون الزهراء | المواضيع الإسلامية | 3 | 2013/07/06 03:03 PM |
كتاب فضل العلم .. (باب فرض العلم ووجوب طلبه والحث عليه) | قل هو الله أحد | المواضيع الإسلامية | 1 | 2013/06/01 12:59 PM |
قصيدة الامام علي عليه السلام في الظلم | ابو مرام | الشعر الشعبي | 2 | 2013/03/27 03:38 AM |
منشور العلم | جراحي كربلاء | اباذر الحلواجي | 3 | 2012/08/16 10:59 PM |
| |