2014/05/14, 08:22 PM | #1 |
معلومات إضافية
|
قصيدة / حرّة حيدر الكرار
قصيدة / حرّة حيدر الكرار ................................. ................................. يخت حسين والعباس حرّة حيدر الكرار صْغار كْبار الچ انصار يخت حسين والعباس .............. منو المثلچ يحرّة حيدر بْهالكون – وْمنو الذلّت سليل الشر ابن ميسون ابد ماهمّچ انذال الدعي الملعون – يظل كل شيعي يازينب الچ ممنون يِضحّي بروحه يفديها – بْدمه الابطال نحميها القضيتچ دوم نرويها – يا بت بضعة المختار يخت حسين والعباس .............. عله الحيطان كتبو ما يظل گبرچ – تحرسه سْباع يا زينب وحگ سترچ ابد والله ما ينزل علم گبرچ – وْ تشعّ للدوم هالانوار من صحنچ انفنت ولّت مكايدهم – الخزي والعار رافگهم لفاها الويل رايتهم – ذلها الواحد القهّار يخت حسين والعباس .............. فنه اللي يوصل الگبرچ وحگ عباس – صرح عالي وْيظل شامخ فلا ينداس عهد بالدم لبو اليمّه وْ ابو النوماس – اجينه مْن الطفوف اليوم الچ حرّاس نحامي عن عقيدتنه – مْن ابو اليمّه عزيمتنه وْ بسم عباس رايتنه – جيش الطاغي بينه احتار يخت حسين والعباس .............. تنادي وْتهتف ارجالچ ايا حيدر – لراضي الشام زحفولچ زحف اكبر رجال سْباع ماهمها العدو الابتر – يِهزّ الگاع واحدهم لون يزأر فداچ رْجال بعد رْجال – وْ رجالچ ما تصدها جْبال كفو منهم زلم ابطال – ما هابو جِيوش العار يخت حسين والعباس .............. نواسي الزهره والهادي النبي الاحمد – وابو الحسنين والينه الوصي الامجد عله مْصابچ مجالس نوح ما تنعد – كلف جرحچ يزينب نار ما تبرد بْمجالسنه وْ نواعينه – الحسن وحسين واسينه وابو الثارات مهدينه – مصابچ ما جره وْ ما صار يخت حسين والعباس ................................... ................................... الشاعر الحسيني سعيد الفتلاوي الطويرجاوي المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي rwd]m L pv~m pd]v hg;vhv |
2014/05/14, 08:25 PM | #2 |
معلومات إضافية
|
وفقك الله ورعاك لكل خير
|
2014/05/15, 04:29 PM | #3 |
معلومات إضافية
|
|
2014/05/18, 01:00 PM | #4 |
معلومات إضافية
|
احسنتم وبارك الله بكم
دون الابداع والتألق ننتضر جديدكم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ما معنى لقب الامام علي عليه السلام حيدر الكرار؟ | عاشق نور الزهراء | سيرة أهـل البيت (عليهم السلام) | 7 | 2014/09/12 01:00 AM |
عيد الغدير- حيدر الكرار كلنا نبياعه | مدائن | الصوتيات والمرئيات والرواديد | 2 | 2013/10/23 06:56 PM |
قصة السيد حيدر الحلي و قصيدة الله يا حامي الشريعة | عاشق نور الزهراء | القصة القصيرة | 3 | 2013/09/17 03:46 AM |
علي الدلفي-الزواج-لحن قصيدة مهدي العبودي (حيدر قائدنا) | بسمة الفجر | علي الدلفي | 6 | 2013/05/26 01:21 PM |
سيد حيدر الشرع قصيدة روعة أنا عراقي أوالي العراق | الشيخ البدري | الصوتيات والمرئيات والرواديد | 9 | 2012/11/14 03:52 PM |
| |