تمنيت آني طير قصيدة في مدح النبي المصطفى (ص)

[النبأ العظيم]

تمنيت آني طير قصيدة في مدح النبي المصطفى (ص)

سيدي يارسول الله صلوات الله وسلامه عليك وعلى آل بيتك الاطهار

{يَا أَيُّهَا الْعَزِيزُ مَسَّنَا وَأَهْلَنَا الضُّرُّ وَجِئْنَا بِبِضَاعَةٍ مُزْجَاةٍ فَأَوْفِ لَنَا الْكَيْلَ وَتَصَدَّقْ عَلَيْنَا إِنَّ اللَّهَ يَجْزِي الْمُتَصَدِّقِينَ}

تمنيت آني طير

تمنيت آني طير وأعبر الأزمــــــانْ .......... واوصل لارض مكـّه وأعبر البلدان

وطِير بأرض شرفها النبي المختار.......... واسمع صوت حل علَ البشر خطار

وعيش ابيين ذيچ الناس أحله نهار.......... ميلاد ابو الزهره وجنة الرحمن

وعاين علَ اصنام منكسه الهامات.......... واصحاب الرذيلة مكسره الرايات

بعد هيهات يتعافه الكفر هيهات .......... نولد صوت الكرامه ورفعة الإنسان

وﭼن روحي بسمه مكه خذاها الشوﮒ........ ورفت فوﮒ بيت المرسل المعشوﮒ

وأﮔلـَّه يا أمين الدين عدنه حـﮔـــــوﮒ......... ضيوف اليوم عندك ياعظيم الشان

واخاف اوصل الحجره البيها حل النور........لان بيرغ الهيبه عل السطح منشور

وصرت مثل الحمامه البيها رهبه تدور... واريد اعرض خطابي ومايصح لي لسان

يـﮔلب العطف جيتك ياجفوف الجود .......... ياحبل الاله وللعرش ممـــــــــدود

ياتاج الفضيله وﭼلمة المــــــــعبود .......... شاهد انته دون الخلـﮒ عالأكوان

عاين حالنا وباصر لواقــــــــــــعنا .......... من خفة عملنه الريح تدفــــــعنا

تكاثر ضيــــــــمنا وزادت مواجعنا .......... حتى اللي تعافى من الوضع تعبان

ولن واحد شمرني حجاره من بعيد.......... وناداني يطــــــــير بهل البلد شتريد

سألته منهو إنـــــــته ﮔـال جد يزيد......... . ياهل الطير إرحل آني ابو سفيان

ورجعت وي الزمن هذا الزمن رديت .......... ولحجرة نبينا ياخلــــــﮒ مريت

شفت نفس الوجوه النايمة ويَ البيت.......... شالت لي العصا ونادتني يابطران

بعـِّد عن الحجره ولاتــــــــــصل حدك ..........أضنك رافضي وبس الشرك ﮔصدك

صحت ياسيدي حرمــــوني من عندك ......... يـﮔولون اليزورك يعبد الاوثان

رْجَعـِتْ لارض العراق لكربله تعنيت............ زرت ابنه الحسين وتربته شميت

ويم عباس ياسيد الرسل ناديـــــــت.......... وشفت خدام طـَيبة تفتح البيبان

خدام النبي خــــــدام أبو الســـــــجاد.......... وخدّام المراقد شمــــــــعه للوفـَّـــاد

يرب اجعل بلاد حســـــــين أحله بلاد........ بجاه المصطفى وحيدر وصي الإيمان

14 ربيع الاول 1434هجرية

أبو آمنة

******************************

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

jlkdj Nkd 'dv rwd]m td l]p hgkfd hglw'tn (w)

[عاشقة بيت النبي]

لعمق الاحساس الذي تجلى هنا ..
وكل الشوق لقلب اشقاه البعد..
وروح على العهد باقيه ,
بيدك سحر يحول الكلمات الي نور..
يتخلل الظلمه التي باعماقنا
دمت بحفظ الرحمن

[يا ارحم الراحمين]

روحي لك الفداء يا حبيبي ابو الزهراء
قصيدة جدا رائعة
وفقكم الله ودمتم بالف خير

[ابوشهد]

بارك الله فيك على الموضوع القيم والمميز

وفي إنتظار جديدك الأروع والمميز

لك مني أجمل التحيات

وكل التوفيق لك يا رب