قصيدة ما ننسى رقية .. للملا باسم الكربلائي إصدار كلهم أولادي مكتوبة

[النبأ العظيم]

قصيدة ما ننسى رقية .. للملا باسم الكربلائي إصدار كلهم أولادي مكتوبة

. ما ننسى رقية ..
للملا باسم الكربلائي إصدار كلهم أولادي

ما ننسى رقية او هضم لوعتها - تشب ابكل گل جمرة مصيبتها

طفلة او صاولنها امهدمات الحيل - تحن ما حنة الورگة نهار او ليل
اشتنسى كربله او نار الخيم والخيل - لو تنسى ضحايا ادموم غسلتها

حاربها دهرها من زغر سنها - هالطفلة يفت صم الصخر ونها
چم اهلال غاب ابكربله عنها - او مثل فگد الأهل مفگودة عزتها

گوم إلي ابفگد الأهل فجعوها - أهوال او محن وهموم راووها
ما رحموا يتمها ابيسر مشوها - مثل دم نحر أبوها اتسيل دمعتها

ناگتها حدت بيها إلغصص وهموم - او نساها اليسر كربله او ذاك اليوم
شغلت كل فكرها فرگة المظلوم - فجعها افراگ أبوها او فطر چبدتها

ابهضم درب اليسر تحسب الدرب ابعام - وبليلة رهيبة من ليالي الشام
لنها اتشوف أبوها ابعالم الأحلام - يقبلها او يكفكف عنها عبرتها

من نومتها فزت والگلب ملتاع - صاحت شفت أبويه بالمنام الساع
ابضجة إعتنت للعيلة او خبرها شاع - امن المجلس يزيد إستمع ضجتها

نشد گومه يزيد اعلى الضجيج امنين - گالوا طفلة چن شافت أبوها احسين
و اعلى الراس شار إلهم ابطرف العين - إشارة گوم ليها او هذه طلبتها

جابوا بالطشت راس الولي المذبوح - بس ما شافته اعليه إنحت بالنوح
بعد لحظات لن فگدت رقية الروح - ظنوا تعبت او خففت ونتها

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

rwd]m lh kksn vrdm >> gglgh fhsl hg;vfghzd Yw]hv ;gil H,gh]d l;j,fm

[مهند الشمري]

قصيدة رائعة وكلمات معبرة

شكراا على المجهود

بارك الله بكم