ما أهتف نعم لأعداء الحسين

[ابوشهد]

ما أهتف نعم لأعداء الحسين

من گد ماكلت من عدنة الأيام بحلگ أيامنة ما ظلّت سنون....
ومن گد مابچو ع الحال الأحباب إبوجه أحبابنة ماظلّت عيون....
شظايا أطفالنة نلبسهة بالعيد ونعايدهم بچلمة يلا تنسون....
مادام العراق إتحرسه الأجناب نسوانه بأمان وسوُره مأمون....
تبــاً للوطن لو ما زلم بي يهزون العرش لمن يطيحون....
صفينة الكرسي ما يرهم علة الگاع شرط فوگ الجثث لازم يگعدون....
مقابرنة بدت من بني العباس وفوگ إگبورنة الملوية يبنون....
لو أحكمك وأظل ع الكرسي ما گوم لو فجّر أطفالك هيچ يردون....
لا،،، و الما لگوهم بس العظام،،، لا،،، والنبّعوا من گاعنة عيون....
ما أهتف نعم لأعداء الحسين لوّن هذا الجسد بالگاع مدفون....
آنة إمن أرد أصوّت نعم لحسين،،، نعم للما رضوا ع الذل يسكتون....
نعم،،، للما رضو لعمامة تنهان وعلة تربة شرف لمن يسجدون....
ماريدن ترد واحد وتسعين ولا ريد الطغوا بيهة يردون....
ولا ريد الوطن خيراته تنباگ ويبذّرهة الخليفة إعل اليصفگون....
ما صفّگ بعد لوّن إطيح الچفوف دمّرنة التصفّگ لليذبحون....
ومانخسر بعد واللعب مكشوف وعلة يا وتر نعرف من يعزفون....
كلهة إتگطعت بالعود الأوتار وما يعزف وترهم من يوذنون....
أريدن قائمة أنصار الحسين أريدن عابس البحسين مجنون....
وإذا ما تنختم من أبو الثوار ما نهتف نعم خلهم يأيسون....
الشاعر
ميثم فالح
111111

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

lh Hijt kul gHu]hx hgpsdk

[محمد التميمي]

بارك الله بكم ..

وجزيتم خيراً ان شاء الله ..

[ابوشهد]

شكرا لك اخي محمد بارك الله فيك

[عبدالله الكبيسي]

يسلمووووووووووووووو
عاشت الايادي
كلش حلو الموضوع ربي يديم التالق

[الياس الموالي]

بـــــــــــارك ا الله بكــ

وجزاكـــــ ربي الف خير