2014/01/06, 07:05 AM | #1 |
معلومات إضافية
|
قصيدة سمعي يمي فاطمه - الرادود الحاج احمد الباوي مكتوبة
سمعي يمي فاطمه سمعي يا مظلومه من وصل ظعن الحسين الأرض الطفوف أرد اسولف كَصتي قسمتي المرسومه آنه كلبي بالطفوف و عينج اتشوف **** خل اسولفلج يا يمه اشلون جانت جيتي احيود بكتار الضعينه بزود حفت ناكتي من وصلنه الكربله انرسمت مناقب عصمتي بيد أبو فاضل عضيدي بنى أستار الخيمتي يوم دك الها الوتد علك الها الرايه ركع للخيمه و سجد عوداها بآية هذا أبو فاضل عضيدي و زوده موصوف **** من صبح عاشر الأكشر ريت صبحه ما طلع بيه ظل اوحيد أخويه و ستر صيواني انكشع ناخت على ابنج كتايب لين ما طخ و خضع جابه للكون للدنيه بصحبته و ثبتت و ما ركع ناخت اعليه العده فزعت جيمانه ظلت اتميد الطفوف و ذيج الصفوف **** ناخت اعليه الكتايب بيده رغت رايته طمت اخيوط الشمس يوم الطفت من خزرته ما تحمل حالت اخته و عطش جبد اودعيته رجع للخيمه و تجتف مني يطلب رخصته و آنه أنظر للحسين محني بوداعه ايخاف يهوه إعله الشريعه القمر مخسوف **** دخنت نيران سيفه امدلهمه و تعمي عمي لبس دلال اعله درعه عفيه خويه الهاشمي ناخت أرباب الخديعه ووسع ميدان الرمي و آنه أحس كلبي تكتطع طاح يم العلكمي و طاح مرمي اعله النهر و العمود براسه احسين رد محني الظهر من فكد عباسه رايته و الجربه طاحت يم لجفوف **** رجع طب خيمة أخوها و شال من عدها العمد يعني زينب راح أخيج و اختفه بدر السعد لمي أطفالي يزينب حان لوداع الوعد و آنه حسيت بوداعه بعد ما يرجع بعد أدري أظل امحيره بلطفال اخلافه نوبه أقبل منحره نوب أشم اشفافه عانكيت و شابكيت بدمع مذروف **** راح وحده ابن الزجيه راح جابه الهم وحيد صاحت أهل الكفر كلها يا لثارات الوليد شفت هاي الأرض ترجف و السمه كامت تميد مدري راس احسين هذا مدري قران المجيد نزلت احشود المله اتوضت من ادمومه لبست احرام اعله جسمه و كامت اتطوف **** آه من شفت الشمر صاعد على صدر الحسين اتربع اعله الصدر بيده ايريد حز الودجين شفت راموه بحجاره و صابته بوسط الجبين موضع السجده مثل طبرة أمير المؤمنين دمه خطبت شيبته سلبوا لعمامه دمه من راسه يسيل لمي لزنود **** رحت للحومه و أدور درب صوب المشرعه اوصلت و العباس لم جثته و هي اموزعه كلي اشجابك يا خييتي وين هي المقنعه كللته جرها الصاب عينك و الجفوف امكطعه كللي ردي الخيمتج يا وديعه اتكفلي بلطفال و سكني عنها الرعب و الخوف **** آه من نار الغدت بين الخيم تلهب لهب و نار باب المصطفه بذاك الحطب كامت تشب وين أدور الوجهي مدري واخوتي فوك الترب و آنه أحشمهم شفتهم جثث ظلت تتضرب و اسمعت كسر الضلع مثل ضلعج يا بتول هون بدمعة رقية حال لطفوف المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية rwd]m slud dld th'li - hgvh],] hgph[ hpl] hgfh,d l;j,fm |
2015/09/25, 12:41 AM | #2 |
معلومات إضافية
|
احسنتم
سلمت الايادي المبدعه بوركتم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدة أصبحت مستشفى للإسلام وادي كربلا - ..أحمد الباوي مكتوبة | النبأ العظيم | القصائد الحسينية | 1 | 2015/09/25 12:40 AM |
قصيدة وحرامٌ تستريح - الحاج باسم الكربلائي / الشاعر مهدي جناح الكاظمي مكتوبة | النبأ العظيم | القصائد الحسينية | 1 | 2015/09/25 12:38 AM |
حصرياً - تطبير - الرادود احمد الباوي صدق القول 2014م مونتاج | النبأ العظيم | الصوتيات والمرئيات والرواديد | 3 | 2013/11/28 10:53 AM |
فيديو كليب::محرم::الرادود احمد الباوي لشهر محرم 1435هـ | النبأ العظيم | الصوتيات والمرئيات والرواديد | 3 | 2013/11/15 09:08 PM |
قصيدة الرادود المرحوم( احمد الفاطمي) | الياس الموالي | الصوتيات والمرئيات والرواديد | 8 | 2013/08/01 02:10 PM |
| |