قصيدة لا تحاول باسم الكربلائي من اصدار صلى الموت مكتوبة

[النبأ العظيم]

قصيدة لا تحاول باسم الكربلائي من اصدار صلى الموت مكتوبة

لا تحاول
للشاعر / ناظم الحاشي


لا تحاول اوياي ما تكسر قراري .. أمشي له لوشوف موتي بإنتظاري
يا موت يمنعني . . وحسين يسمعني

روحي ، دمي ، عيني ، قلبي
كل أعضاي جسمي والبدن لحسين مشاية
لأجل الطاح جفه معتني وما طاحت الراية
قاصد ، للطف ، ناذر ، عمري
نار الغيرة بيا وما أرد واشتعلت براسي
امشي بغيرتي وبايدي العلم والعشق عباس
رافع ، راية ، ثاره ، بايدي
أنا المشاي أجيت لزينب بعباس اواسيها
أواسي ام البنين الطاهرة وبحسين أعزيها
والغيرة تدفعني . . وحسين يسمعني

***


بأيده ، أمري ، بأمره ، أمري
يا دنيا وقراري للأبد ما بدل حسيني
لو شمس وقمر عن يمنتي ويسراي تنطيني
يحضر ، نشري ، يجبر ، كسري
لو مكسور جنحي وما طرت بجناحه تلقيني
أنا المجنون بإسمه ورافضي شتريد سميني
أحلف ، بإسمه ، فدوة ، إلدمه
كل ما ابتعد عن كربله يظل يكبر بعيني
حب حسين ديني ومذهبي ما ساوم بديني
ياهو إليرجعني . . وحسين يسمعني

***

آدم ، موسى ، يوسف ، عيسى
كل الأنبياء وما خلق متعنية يم بابه
وأملاك السما وساقي العرش نزلت على اعتابه
عرشه ، شمسه ، جنه ، إنسه
كلها اليوم نزلت ع الجسد وتعزي بمصابه
بترابه الشريف اتخضبت وتصلي بترابه
صبره ، نصره ، دمه ، ثوره
كل قطرة دماء اترتلت آيات بكتابه
كل صرخة طفل بين الخيم آذان محرابه
ومصابه يفجعني . . وحسين يسمعني

***

عينك ، تدمع ، قلبك ، يخشع
لو شفت الإمام المنتظر يتلقى خطاره
والعباس نادى من بعد يا هلا بزواره
ربك ، يقسم ، كلمن ، يخدم
بالجنات داره من ذهب كلمن فتح داره
من سندس لباسه بالحشر والحور بأكتاره
صادق ، عهده ، ثابت ، وعده
ما يخلف عهد رب العرش لحسين وأنصاره
ويسلمه كتابه باليمين ويطالب بثاره
ويصيح رافعني . . وحسين يسمعني

***

تعبد ، ربك ، تغسل ، ذنبك
كل خطوة يا شيعي بكربله لو ردت تخطيها
بسبعين حجة لو طفت جنك طفت بيها
بإسمك ، رفعت ، آية ، نصرك
من عندك كرامة لزارتك يا حسين تكفيها
جبريل ايتبارك لو نزل بتراب رجليها
دمك ، ثورة ، شعلة ، نصره
هاي زيارتك وقت المنع من جنها نمشيها
شعلة وما طفت وقت الظلم يا حسين تدريها
والخوف ودعني . . وحسين يسمعني

***

صرخة ، صوتي ، بالطف ، موتي
لا تحاول ترى ولو حاولت ما تغيّر أفكاري
ثاري وما اعوفه لو متت لو آخذ بثاري
فاطم ، تعلم ، ناذر ، عمري
لو عفته شقول لفاطمة وما تنفع اعذاري
نار الغيرة بيا وتشتعل لأجل السبط ناري
شنهي ، عذري ، واعرف ، وادري
هذا افضل ثلاثة بالشمس فوق الارض عاري
هذا ابن الزجية لو رضت ينزل رضا الباري
يا عذر يقنعني . . وحسين يسمعني

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

rwd]m gh jph,g fhsl hg;vfghzd lk hw]hv wgn hgl,j l;j,fm

[الملكه]

[مهندس حسين]

أحسنتم وأجدتم النبأ العظيم
بارك الله بكم

[عاشقة بيت النبي]

موضوع جميل احسنتم

[عابر سبيل]

احسنتم النشر

[رايات الحسين*ع*]

اللهم صل على محمد وآل محمد
احسنتم وجزاكم الله خيرا