تشيزكيك نيويورك الاصليه بالصور سهله ولذيذة

[علي أميري]

تشيزكيك نيويورك الاصليه بالصور سهله ولذيذة

الســــــلام عليكم ورحمة الله وبركاته



شــلونكم خواتي



اليووم بشارككم بوصفة الجيز كيك الاصليه( نيويوركر) وهذا ألذ أنواع الجيز كيك



والطريـقة واااااايد سهله وحــلوه ما عليكم الا انكم تزهبــون كل شغلكم قبلها وتتبعون الخطوات بالضـــبط





يــالله نبلش بسم الله:







المقادير:



بسكوت – (مجروش) انا استخدمت البسكوت بو العلبه الحمرا 3 علب



ملعقتين زبده ( ذوبيها)



4 علب جبنة فيلاديفيا



كوب ونص سكر أبيض



3\4( ثلاث ارباع) كوب حليب



4 بيضات



كوب كريمه حامضه( (sour cream



ملعقه طعام مركز أو خلاصة الفانيلا



ربع كوب طحين أبيض





وتحتاجين الصحن مال الكيك الي اسمه springform pan الي يتبطل من تحت



وهاذي صورته:








الطــريقه:





- سخني الفرن على حرارة 350 درجه فهرنايت ( 175 سيليزيه)




- خلطي البسكوت المجروش مع ملعقتين الزبده المذابه وحطيهم بالصحن أو الوعاء مال الفرن عقب ما تدهنينه بالرشاش مال الحلويات وضغطي عليه بأيدج عشان يصير متساوي














- في وعاء كبير خلطي جبنة فيلاديفيا مع الشكر لين يمتزجون عدل بس لا تطولين بالخلط ... بعدين صبي الحليب وخلطي شوي بعدين البيض حطي وحده وحده وخلطي ( اكرر لا تطولين بالخلط بس على اساس انهم ينخلطون عدل ويصير خليط متجانس) بعدين حطي الكريمه الحامضه والفانيلا و ربع كوب الطحين وخلطي كل المقادير لين يصير خليط شوي ثقيل




وهاذي صورة الخلطه:

الحيـــن انتبهو معاااااي ياحلوات لانه هاذي اهم خطوة :





صبي الخليط فوق البسكوت

وساويــه وحطي بالفرن الي اولريدي سخنتيه وشغلي الفرن لمدة ســاعه فقط لا غير لي خلصت الســاعه طفي الفــرن وانســـــــــــي الجيز كيك الي داخل خلي باب الفرن مسكر عقب ما تطفينه وخليها داخل من 5 لي 6 ساعات




( عــــــــادي لا تقولين وااايد بالعكس هاذي المدة المثاليه) لانه لو تطلعينها عقب هالساعه وتبرد راح تتكسر كلهاااا وما راح تثبت معاج ..




هذا شكلها عقب الساعه:









خليها الطبخه تستوي وتتسبك على الراحه على قولتهم يعني لمن تخلص الساعه سكري الفرن وانسي الي داخله ولا حتن تجيكين عليها وتفتحين الباب لا خليه مسكر وعقب ما تمر الساعات المطلوبه طلعيها وحطي فوقها النكهات الي تبينها انا حطيت فراوله معلبه مع الصوص




هذا شكلها عقب ما طلعتها من الفرن عقب 6 ساعات:

هني شكلها عقب ما حطيت الفراوله:








وحطيها بالثلاجه لي وقت التقديم




وهذا شكلها عقب ما طلعتها من الثلاجه :

وهاذي صورة ثانيه :











وهـــــــاذي لكم :

المصدر: منتديات شيعة الحسين العالمية اكبر تجمع اسلامي عربي - من قسم: مطبخ الاكلات الشهية

---

jad.;d; kd,d,v; hghwgdi fhgw,v sigi ,g`d`m

[نسائم الزهراء]

[قلبي لا يعرف الغدر]

والله السید علی صایر شیف تسلم ایدک علی الحلو الرائع ودمتم مبدعین

[فدك الزهراء]

الله يعطيك العافية

[ســﮧـڪﮧـرآت آلـﮧـمـﮧـوت]

,’
روووعة
يعطيك آلف عآفية ع الطرح
سلمت ’’

[kh93lil]

شكراً على الموضوع الرائع

لاعدمنا هالأبداع يارب

[ورده خجولة]

شكرااا على الحلى دمت مبدع

[الملكه]

احسنتم
بارك الله بكم
جزاكم الله خير جزاء