Untitled 2
العودة   منتديات شيعة الحسين العالمية اكبر تجمع اسلامي عربي > المـنتـديات الأدبيـة > القصائد الحسينية

إضافة رد
 
أدوات الموضوع انواع عرض الموضوع
قديم 2014/01/06, 04:58 AM   #1
بسمة الفجر

موالي ماسي

معلومات إضافية
رقم العضوية : 332
تاريخ التسجيل: 2012/08/02
الدولة: دولة الامام المهدي عجل الله فرجه الشريف
المشاركات: 12,345
بسمة الفجر غير متواجد حالياً
المستوى : بسمة الفجر is on a distinguished road




عرض البوم صور بسمة الفجر
Osscar22 جميع قصائد اصدار مجانينك 1434هـ باسم الكربلائي / مكتوبة

قصيدة ( مجانينك ) / مكتوبة


الشاعر : الشيخ وسام الشويلي


ألحان : أحمد حسين


التوزيع الصوتي : أ. أحمد






عشق يظهر يبو الآكبر هنف منحر محبينك
هذولا احنا مثل عابس يسمونا مجانينك
مجانينك .. مجانينك .. مجانينك


----

قواميس العشق كلها
فلا قدرت تفسرنا
وحتى احنا ويا قصتنا
شنوصفها تحيرنا
عشق قيس وعشق ليلى
سألناه وتعذرنا
عشق عابس فقط هوه
الـ قدر يقنع ضمايرنا

ولو حتى الـ جرى بعابس
قليل ويكبر بعينك
هذولا احنا مثل عابس
يسمونا مجانينك


----

اذا عابس نزع درعه
لجل عشقك يامحبوبه
مهج لجلك نزعناها
جثثنا بدمها مخضوبه
اذا حر واحد بطفك
اجاك بدمعه مسجوبه
ألف حر هسه متعني
يقلك سيدي التوبه

نقدم الروح يالغالي
نذر لتراب رجلينك
هذولا احنا مثل عابس
يسمونا مجانينك


----

زليخه انجنت بيوسف
حرام ارتكبت بعشقه
واجر ناخذ على حبنا
القميص من القبل شقه
اذا يعقوب ظل عايش
تحمل لوعة الفرقا
نموت احنا فلا نقدر
نناطر ساعة الملقى

ويانا ماصارت
سنابل زاهيه سنينك
هذولا احنا مثل عابس
يسمونا مجانينك


----


تعال وانته مو مبعد
تعال وعاين احبابك
نواظرنا شمع خلصت
دمع يتجارى لمصابك
فدائك احنا ماقلنا
فداء نقول لترابك
فضل منك تخلينا
نجيك ونوقف ابابك

الصلاة للباري ماتمت
اذا مانسجد لطينك
هذولا احنا مثل عابس
يسمونا مجانينك


----


نحبك يامن بحبك
زرعنا بكل شبر آيه
مشينا بدربك ونعرف
طريقك غاية الغايه
إلك نبجي إلك نلطم
إلك نتعنى مشايه
يطيح بهالدرب دمنا
لجن ماطاحت الرايه

يمن من الوريد اقرب
نسألك ابعدت وينك
هذولا احنا مثل عابس
يسمونا مجانينك


----


قسم بالـ ماترك جوده
ترك ع المشرعه جفوفه
قسم بالـ خلتك عاري
مشت مسبيه مجتوفه
نعوف العالم بأسره
طريق الخدمه مانعوفه
نطوفك يامن بقبرك
عرش رب السما نطوفه


يسارك جنة المأوى
وتجي الفردوس بيمينك
هذولا احنا مثل عابس
يسمونا مجانينك


---------------


قصيدة ( لانلامُ ) / مكتوبة

الشاعر : الشيخ وسام الشويلي
ألحان : أحمد حسين
التوزيع الصوتي : الأستاذ أحمد القلاف





حيــدر .. حيــدر .. حيــدر ..

على جنون العشق لا نلام
كعابس هاج بنا الغرام
هو الحسين مالنا سواه
وحبه اوجبه الآله

لجل الحسين وخدمته انخلقنا
وافضل عباده ينحسب عشقنا
ام الحسن من تحظر المجالس
كل واحد الـ بينا تشوفه عابس



حيــدر .. حيــدر .. حيــدر ..


فلو جرت من عيننا الدماء
دما بكت من قبلنا السماء
لا عجب لو ادميت رؤوس
بل عجب ما ازهقت نفوس


موعجبه نفرش بالجمر دربنا
جمر الخيم متوجر بقلبنا
جم مره سحقت ع الجمر رقيه
وازرق متنها من سياط اميه

حيــدر .. حيــدر .. حيــدر ..


الجرح نادى والشعار حيدر
لو شئت خذ منا دماء المنحر
رؤوسنا لرأسك القطيع
نرخصها بل هي للرضيع


واحدنا من يلطم تصيح دموعه
ليش الحبيب مهشمين ضلوعه
دم يجري من متن العقيله زينب
خل نموت وبالدما نتخضب


حيــدر .. حيــدر .. حيــدر ..


نمشي على الاقدام كي نواسي
من سبيت وذاقت المآسي
كيف لنا معيشة هنيه
وزينب قد اخذت سبيه


وبركضة طويريج من ركضنا
جينا نأدي بكربلا فرضنا
شفنا حبيب يسجل الاسامي
ويانا يلطم ع الذبيح الضامي


حيــدر .. حيــدر .. حيــدر ..


---------------


قصيدة ( لآ ترد ) / مكتوبة


الشاعر : السيد عبدالخالق المحنه



ألحان : باسم الكربلائي



التوزيع الصوتي : أ. أحمد رمزي






مآ هو بيها ..
دار خلاف آهلها ماهو بيها
شلي بيها وآبويه ماهو بيها
شبه طفله الـ مضيعه ماهو ابوها
تحسد كل طفل بآحضان آبيه ..


----


لا ترد ..
ما ظل اثر كل شي انتهى بسفركم
لا ترد ..
مات الورد من انقطع خبركم
كتبت اعلى دارك .. دمعة انتظارك


----

بويه تدري من غيابك موتي راحه
والـ يسافر يبقى عايش وي جراحه
ردت اشوفك حتى اقلك بالصراحه
ترجع إلمن دنيا ماكو بس نياحه
لا تظن نفس الوضع لازم يجي بديله
لاتظن لمن ترد تستقبلك عليله

ماتت بمسارك .. دمعة انتظارك


----


ادري صعبه من اقلك ماكو رجعه
ما يسرك هذا حالي وداري تنعى
والليالي ذوبتهن شمعه شمعه
ماتشاهد من اثرنا الا دمعه
لو تجي تلقى حزن تلقى الم مصابي
لو تجي تلقى جرح يلجم جرح عتابي

عاشت اعلى نارك .. دمعة انتظارك


----


تابعتكم خطوه خطوه تيهتكم
من مشيتوا وابتعدتوا عاتبتكم
عمري كله لحظه بيها الـ ودعتكم
دورتكم وي جروحي ماشفتكم
ياعتب يشفي القلب وبيا قلب اعاتب
ياعتب واكبر عتب من انسأل شجاوب

تقبل اعتذارك .. دمعة انتظارك


----


انتهينا وتركتلك ذكرياتي
وبصوركم تلقى دمعة امنياتي
تلقى حسره من دعائي في صلاتي
ابحياتي انته غايب وبمماتي
سلوتي مهد الطفل اتصوره والولي
سلوتي ها يالأخو يالـ ماترد حجولي

تنجوي بنهارك .. دمعة انتظارك


----


يالـ عفتني املي دربك بس خواطر
ياما ياما قلتلك ارجع لا تسافر
يقضي يومي وقلت اشوفك بلكي باجر
لا ياباجر سيفه يذبح بالمشاعر
آيست مات الأمل وبيا جرح تجيني
آيست لا ماترد وآني عفت آنيني

تنطوي بمدارك .. دمعة انتظارك






--------



قصيدة ( دمعة عطش ) / مكتوبة


الشاعر : الشيخ وسام الشويلي


ألحان : أحمد حسين


التوزيع الصوتي : أ. أحمد رمزي







دمعة عطش وجروح
جلمة عتاب ونوح
وين العطاشى تروح
إلمن تدير العين
إلمن تدير العين


----


نار العطش تسري .. دمع العتب يجري
وينه الـ تكفلنا .. معقوله مايدري
ياعمه روحيله .. يالحاله قليله
وهاج اختي دمعتنا .. خليها تحجيله
نعرف قلب عمنا .. مايحتمل همنا
بس يعلم بجوده .. مسرع يصل يمنا

ما اظن على الوفاي .. صعبه المطالب هاي
قليله جيب الماي .. من العطش ميتين


----


عبدالله شيهوده .. ذابل ورد خده
نار العطش قامت .. هيه تهز مهده
متغيره اوصافه .. يبست ضما شفافه
ليش شعجب عمه .. بهذا الوضع عافه
من الـ خطف لونه .. قاموا يناغونه
عمك ياعبدالله .. جايب لك عيونه

دمعة طفل حساس .. معناها يا عباس
انا بأخير آنفاس .. هز مهدي جف البين



----


صاحت رقيه آنا .. عطشانا عطشانا
خلص دمع عيني .. والغالي ماجانا
من عاين اوصافي .. صاح الصبر كافي
حتى آنا ياطفله .. هم يبست شفافي
يمكن بعد لحظه .. ينهي القلب نبضه
وانا على هالحاله .. بالموت اريد ارضى

صبر القلب مفتوت .. ارحم لصار الموت
صحت بضعيف الصوت .. ودعوني ياطيبين


----


سكنه ويا عمتها .. مشتركه ونتها
تحجي بعتب لكن .. خجلانه كلمتها
جا وينه اللي يوافي .. واعدنا بالصافي
يدري العطش جمره .. وتفزز الغافي
بدمعي احترق رمشي .. مابيه حتى امشي
صبروني صبروني .. قمت اقبل بكل شي

قللولي راح يعود .. قللولي هذا الجود
بس كلمة المفقود .. ماريدن بهالحين


----



كسر الظهر يوحي .. ماتنتهي جروحي
يازينب وشحجي .. عباس اخذ روحي
يا اختي وعلى وعوده .. ودالج زنوده
وتلقى بعيونه .. سهم الـ قصد جوده
قمت اشتم جفوفه .. ودموعي مذروفه
لو بيدي يازينب .. صدقيني ما اعوفه

من ردت اجيبه وياي .. صاح الاخو الوفاي
ما ارجع بلا ماي ماي .. وعيالك متانين


-----------------

قصيدة ( صاحت زينب ) / مكتوبة


الشاعر : الدكتور أحمد العلياوي


ألحان : الملا باسم الكربلائي


التوزيع الصوتي : م. أحمد رمزي







صاحت زينب
قلبي من الهم هلك .. صاحت زينب
الموت لي وليس لك .. صاحت زينب
من قطعك خذني معك .. حسين حسين

----

ياعالم احساسي وياعالم وني
ياساكن انفاسي وياضايع مني
عنك ادور لو تدور عني
يا آخر آهلي ويا بداية حزني
جيت ولهيب من الخيم سكني
امشي ويماشيني للقائك ظني

هل حان ميعاد السفر .. صاحت زينب
خوفي اذا شاء القدر .. صاحت زينب
ما اسرعك .. خذني معك .. حسين حسين


----


هذا انته لو غيرك ع الترايب
جسمك اشوفه ساحه للحرايب
حاضر عتابي وانته عني غايب
مسني القهر من شدة المصايب
شلون ارجع وشرد اخبر الحبايب
خليني انوح واندب واعاتب

دعني اقيم ها هنا .. صاحت زينب
تشرب من دم القنا .. صاحت زينب
كي اتبعك خذني معك .. حسين حسين


----


منظر عجيب وعيني ماتفهمه
منظر رعب خلاني اعيش بظلمه
دليني اوصلك يابو الايمه
ساعدني انته ياحبيبي بكلمه
مثلك رماني الشر ياخويه بسهمه
خل نحرك يكلمني ارد اكلمه


ياليتني كنت الفدا .. صاحت زينب
اراك نهباً للعدا .. صاحت زينب
من شيعك .. خذني معاك .. حسين حسين


----

احجي ويادمك والدما تحاجيني
واسمع ونينك من يحن لونيني
ليش انت نايم ع الترب حاجيني
يانفسي ياروحي ويا احلى سنيني
ياعيني انته وما تشوفك عيني
ما اصدق انت حسيني آه ياحسيني


انته حبيبي المحتضر .. صاحت زينب
وانته في الليل القمر .. صاحت زينب
من ضيعك خذني معك .. حسين حسين


----


الموت إلي راحه من اموتن يمك
ماقدر احمل يخويه همي وهمك
ماعندي عين اللي تشاهد جسمك
خويه انهضم لمن اقولن اسمك ياحسين
بجدك احلفك وبكسر ضلع امك
خل قبري قبري اللي بترابه يضمك


لا عيش لي موتي حلا .. صاحت زينب
روحي هنا في كربلا .. صاحت زينب
من ودعك خذني معك .. حسين حسين



------------



قصيدة ( يغادر كل ملك ) / مكتوبة

للشاعر : رحيم أبو عليوي الكاظمي

ألحان : الملا باسم الكربلائي

التوزيع الصوتي : الأستاذ عدنان بارون







يغادر كل ملك موقع سماءه .. سماءه
يريد بكربلا يجدد ولاءه .. ولاءه
لبو اليمه يجي يزور .. يسجل اسمه بالنور
يريد بكربلا يجدد ولاءه

----


خيالي بهذا رسمه .. اخذني لأعلى قمه
بسماء العاليه نجوم .. واعدهن نجمه نجمه
ملائك ربي عدها دوي .. ومشغوله كلها
صفوف مقابله صفوف .. حرت إلمن أكلمه
خياله عيوني تربي .. قلت املاكه ربي
اضنها رادت اليوم .. تنفذ فد مهمه
مهمتها اكشفتها .. بجيت من اعرفتها
تجيها لكربلا بشوق .. شبل حيدر تشمه

اشاهد كل ملك ينشد دعاءه .. دعاءه
يريد لكربلا يوصل نداءه .. نداءه
السعي من الله مشكور يسجل اسمه بالنور
يريد لكربلا يجدد ولاءه



-----


ملائك كلها نزلت .. بحزن وبحسره صلت
تسم بتربة حسين .. عليها الدمعه هلت
ياشبل الزهره صاحت .. على احزانه ناحت
بمواقد جمرة الروح .. هوت للتربه قبلت
هدفها شفته واضح .. عشق يملي الجوارح
تعنت هالمسافات .. ولا عنه تخلت
بأمر رب الجلاله .. تجي لشبل الرساله
على جروحه .. ونزفها ورود الجنه خلت

جسم متعفر وتحمل دواءه .. دواءه
بأمر رب العرش تنسج رداءه .. رداءه
صبح كل منهم بدور يسجل اسمه بالنور
يريد لكربلا يجدد ولاءه



-----


رسمها بطاعة الله .. صور محفوره بدماه
تمنت كل الاملاك .. لونها حاضره وياه
ابو اليمه بجهاده ..امير اهل الشهاده
بعد ماتشاهد العين .. غيور بهذا معناه
منو دمه بجفوفه .. حملت ساعة طفوفه
بعزيمه ترهب الموت .. قبل ماترهب عداه
حكل بأفكاره ثوره .. يريد الحق ينصره
لبن آكلة الأكباد .. ابد مايمد له يمناه


نزل للحومه وبجفه لواءه .. لواءه
بطل ولدينه ماينصب عطاءه .. عطاءه
يريد بآروع سطور يسجل اسمه بالنور
يريد لكربلا يجدد ولاءه



----


نزل ارض المعاره .. شهم ماخذ قراره
على الظلام الأوغاد .. يحقق انتصاره
نطى شبوله الاماجد .. غرر مثل الفراقد
تفانوا لجل الاسلام .. على المبدأ غياره
علي الاكبر تقدم .. يريد بساحة الدم
يخط بجروحه الـ تسيل .. نهج دينه وشعاره
حمل عبدالله بيده .. يريد بدم وريده
يسجل بأربع حروف .. مضامين افتخاره

رفع للباري بالحومه دماءه .. دماءه
شهيد المعتقد للحق فداءه .. فداءه
اخذ عبدالله منحور يسجل اسمه بالنور
يريد لكربلا يجدد ولاءه


----


وتر وبهذا وضعه .. لبس قلبه اعلى درعه
نزل ويصافح الموت .. نصر دينه يدفعه
ألا من ناصر يصيح .. قبل ما ع الثرى يطيح
يريد يحشم الناس .. يريد الكل تسمعه
ابد لا والله مو خوف .. سليل الهادي معروف
تمنى الجنه للراي .. خلود بأعلى رفعه
صريع وربنا خلى .. الكواكب والأهله
منازل كل الافلاك .. تهل دمعه اعلى دماعه


يظل خالد ابو الاكبر وفاءه وفاءه
يظل بالعالم العلوي عزاءه عزاءه
يظل بالدنيا عاشور يسجل اسمه بالنور
يريد لكربلا يجدد ولاءه




----------------


قصيدة ( أتباهى بيكم ) / مكتوبة


للشاعر : السيد عبدالخالق المحنه

ألحان : أحمد حسين

التوزيع الصوتي : م. أحمد رمزي







مايهدأ البال قلبي عليكم
ياخير الاجيال اتباهى بيكم
كلكم حميه .. يالجعفريه
كلكم حميه .. يالجعفريه
اتباهى بيكم

----

ياناس انا ام القمر ذاك الذي ظل ع النهر
اصبح شريكي بالحزن كل الـ آجى وللطف حظر
من حب ابو الآكبر همت وتغربت دمعة سفر

يازاير حسين انا ام الحسين
انا انطي جفين وانته ادمع العين
الكم تحيه .. يالجعفريه
اتباهى بيكم


----


ام البنين ويا الـ مشوا تمشي بدامع هامله
لو شافت الرايه بجت ياحامل الرايه غله
تبقى تنادي للحشر ياكربلا ياكربلا

تحسبكم حساب بالطف تراقب
مشكوره الاتعاب يا اهل المواكب
وافوا الزكيه .. .. يالجعفريه
اتباهى بيكم


----


طبع الوفا وللي ذكرني بمشكله ما اعتذر
اقضيها لو يقرا إليه الفاتحه بتسهيل امر
وياكم وما ابتعد واحضركم بعسر ويسر

مرفوعة الراس وامشي بجلاله
شرفني عباس راعي الكفاله
يالغاضريه .. يالجعفريه
اتباهى بيكم


----


ام البنين وسفرتي امجربه وصارت مثل
وللي اكل منها وطلب مايرجع بخيبة امل
سفره تحل كل مشكله وكل معضله تشفي العلل

والـ عنده دمعه يجريها لأبني
للموت اتبعه كلمن ندبني
انا الوفيه .. يالجعفريه
اتباهى بيكم


----


لجلي تجي ام الحسن يوم الخشر تجري الدمع
بنت النبي تحمل طبق تنادي فيه ذاك الجمع
ياربي ما ذنب الجفوف اعلى النهر من تنقطع

عدلك يامعبود هاليوم اريده
من شالن الجود يشهد عضيده
هاي القضيه .. يالجعفريه
اتباهى بيكم


-----------


قصيدة ( أبا الفضل ) / مكتوبة




الشعر الشعبي :سيد عبدالخالق المحنه


والفارسي :بشير الكربلائي


ألحان :باسم الكربلائي


التوزيع الصوتي : أ. عدنان بارون







ابا الفضل بإحساسي
مَلِك مِلَك انفاسي


جسمك توزع وجفوفك اوسع من كربلاء
حلمي ارسمك ماتكفي جسمك ارض وسماء
يا اوفى حارس جنح النوارس يحمل كلام
يعني بحضورك كل الـ يزورك سلام سلام

(مقطع باللغه الايرانيه)


ابا الفضل بإحساسي
مَلِك مِلَك انفاسي



(مقطع باللغه الايرانيه)


عاشق ترابك وابقى اعلى بابك دمعي يسيل
واسمع منادي بالطف ينادي هنا الكفيل
حامل لوائك في كربلائك دول الحياة
كل يوم اسآله ويحجي لي عنك نهر الفرات

نبض القلب عباسي .. مَلِك مِلَك احساسي



ابا الفضل بإحساسي
مَلِك مِلَك انفاسي



جودك مليته جبدك نسيته ضامي بقيت
صورة عضيدك مرسومه بيدك يالـ مارويت
قطعت يمينك زادت حنينك يم الحسين
قطعت شمالك قل احتمالك مصيوبه عين



(مقطع باللغه الايرانيه)



ابا الفضل بإحساسي
مَلِك مِلَك انفاسي




(مقطع باللغه الايرانيه)



آخر جروحك تحجيها روحك جرح العتاب
رادت تشوفك شافت جفوفك فوق التراب
لمن اجتك مرعوبه اختك تنده تعال
تنظر وضعها يهمل دمعها ام الدلال

علمني ارفع راسي .. مَلِك مِلَك احساسي

ابا الفضل بإحساسي
مَلِك مِلَك انفاسي


-----

للأمانه منقول


نسالكم الدعاء



[ldu rwhz] hw]hv l[hkdk; 1434iJ fhsl hg;vfghzd L l;j,fm



توقيع : بسمة الفجر
رد مع اقتباس
قديم 2014/01/06, 05:55 AM   #2
مهند الشمري


معلومات إضافية
رقم العضوية : 1510
تاريخ التسجيل: 2013/05/18
الدولة: بغداد
المشاركات: 8,247
مهند الشمري غير متواجد حالياً
المستوى : مهند الشمري is on a distinguished road




عرض البوم صور مهند الشمري
افتراضي

قصيدة رائعة وكلمات معبرة

شكراا على المجهود

بارك الله بكم


توقيع : مهند الشمري




[
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصائد إصدار :: تزوروني :: للملا باسم الكربلائي (( مكتوبة )) بسمة الفجر القصائد الحسينية 6 2015/09/12 02:12 PM
قصائد اصدار ( يسجلني ) مكتــوبه باسم الكربلائي 1433هـ بسمة الفجر القصائد الحسينية 1 2014/01/06 05:57 AM
الملا باسم الكربلائي يهنئكم بعيد الفطر المبارك 1434هـ عاشق نور الزهراء الصوتيات والمرئيات والرواديد 8 2013/08/09 09:41 AM
جديد الملا باسم الكربلائي اصدار [ مجانينك] لعام 1434هـ بسمة الفجر باسم الكربلائي 11 2013/02/23 05:31 AM
كربلاء قبلة ضماير - باسم الكربلائي ليلة 28 محرم 1434هـ بسمة الفجر باسم الكربلائي 3 2013/01/05 04:59 PM

Powered by vBulletin® Copyright ©2000 - 2024
جميع الحقوق محفوظة لـ منتديات شيعة الحسين العالمية اكبر تجمع اسلامي عربي
|

خدمة Rss ||  خدمة Rss2 || أرشيف المنتدى "خريطة المنتدى" || خريطة المنتدى للمواضيع || أقسام المنتدى || SiteMap Index


أقسام المنتدى

المنتــديات العامة @ السياسة @ المناسبات والترحيب بالأعضاء الجدد @ منتديات اهل البيت عليهم السلام @ سيرة أهـل البيت (عليهم السلام) @ الواحة الفاطمية @ الإمام الحجّة ابن الحسن صاحب العصر والزمان (عج) @ الادعية والاذكار والزيارات النيابية @ المـدن والأماكن المقدسة @ المـنتـديات الأدبيـة @ الكتاب الشيعي @ القصة القصيرة @ الشعر الفصيح والخواطر @ الشعر الشعبي @ شباب أهل البيت (ع) @ المنتـديات الاجتماعية @ بنات الزهراء @ الأمومة والطفل @ مطبخ الاكلات الشهية @ المنتـديات العلمية والتقنية @ العلوم @ الصحه وطب أهل البيت (ع) @ الكمبيوتر والانترنيت @ تطبيقات وألعاب الأندرويد واجهزة الجوال @ المنتـديات الصورية والصوتية @ الصوتيات والمرئيات والرواديد @ الصــور العامة @ الابتسامة والتفاؤل @ المنتــــديات الاداريـــة @ الاقتراحات والشكاوي @ المواضيع الإسلامية @ صور اهل البيت والعلماء ورموز الشيعة @ باسم الكربلائي @ مهدي العبودي @ جليل الكربلائي @ احمد الساعدي @ السيد محمد الصافي @ علي الدلفي @ الالعاب والمسابقات @ خيمة شيعة الحسين العالميه @ الصــور العام @ الاثـــاث والــديــكــورآت @ السياحة والسفر @ عالم السيارات @ أخبار الرياضة والرياضيين @ خاص بالأداريين والمشرفين @ منتدى العلاجات الروحانية @ الابداع والاحتراف هدفنا @ الاستايلات الشيعية @ مدونات اعضاء شيعة الحسين @ الحوار العقائدي @ منتدى تفسير الاحلام @ كاميرة الاعضاء @ اباذر الحلواجي @ البحرين @ القران الكريم @ عاشوراء الحسين علية السلام @ منتدى التفائل ولاستفتاح @ المنتديات الروحانية @ المواضيع العامة @ الرسول الاعظم محمد (ص) @ Biography forum Ahl al-Bayt, peace be upon them @ شهر رمضان المبارك @ القصائد الحسينية @ المرئيات والصوتيات - فضائح الوهابية والنواصب @ منتدى المستبصرون @ تطوير المواقع الحسينية @ القسم الخاص ببنات الزهراء @ مناسبات العترة الطاهرة @ المسابقة الرمضانية (الفاطمية) لسنة 1436 هجري @ فارسى/ persian/الفارسية @ تفسير الأحلام والعلاج القرآني @ كرسي الإعتراف @ نهج البلاغة @ المسابقة الرمضانية لسنة 1437 هجري @ قصص الأنبياء والمرسلين @ الإمام علي (ع) @ تصاميم الأعضاء الخاصة بأهل البيت (ع) @ المسابقة الرمضانية لعام 1439هجري @ الإعلانات المختلفة لأعضائنا وزوارنا @ منتدى إخواننا أهل السنة والجماعه @


تصليح تلفونات | تصليح تلفونات | تصليح سيارات | تصليح طباخات | تصليح سيارات | كراج متنقل | تصليح طباخات | تصليح سيارات |