مشاي علا درب الموت ياحسين

[احمد الكعبي]

مشاي علا درب الموت ياحسين

مشّاي أعله درب الموت . يالزهره تلگيني
عاشگ واعتنيت حسين . وبحبه كمل ديني
***************
عن احمد رسول الله حديثه الواضح ومُسند
گال بشيعتي لحسين نار الحرگه ما تبرد
اله وسط المُهج لهفه واليوم الوعد تمتد
حب أزيارته وشوگه والعبرة ودموع الخد
إلى يوم ألقيامه أتعيش بأمر الواحد الأحد
وانه بگلبي تلهب نار . لهفة شوگي لحسيني
*****************
گبل چأن اليزور حسين چفّينه يگطعوها
ومبالغ باهظة ورسوم من عنده يطلبوها
بهدف ما تعتني الزوار والمغزى يمنعوها
لچن صارت بعد أضعاف زواره يشوفوها
والحظر ألبقه مفروض كل أقيوده كسروها
وانه بدربك يبو الأحرار ناذر تنگضي سنيني
*******************
عصر يتبع عصر وعداك عن گبرك يمنعونه
لا چن ما خضعنه بيوم نتحدى ويسمعونه
ولا هبنه الظلم يحسين وأعوانه اليهابونه
على درب النضال البيه مشت جدمك يشوفونه
وأهلا بالشهادة أنصيح حين إلي يفجرونه
ما يمنعني هالتفجير وله اتهمني التعاديني
*******************
يحسين العمر خطّار واحنه أضيوف دنيانه
ومهما طالت الأعمار لا بد يوم خلصانه
عرفنه ألحكمه يا مولاي كل واحد وإيمانه
لو مؤمن يحب حسين والمعشوگه يتفانه
لو تابع لأبو سفيان ويزيد اختاره عنوانه
وانه أمحبتك يحسين دم يسري بشراييني
*******************
اليسير بهالدرب يحسي مشايه يسمونه
خادم واعتناك يزور وتهل دمعة عيونه
وشاح أعله الصدر أصبح خدامك يشيلونه
شعارك للظلم هيهات لا للذلة مضمونه
وعناء ألرحله عنده أيهون خادمكم تعرفونه
عاشگ والغرام اوياي من امشي يدليني
*****************
الخادم أبو إيمان المجراوي

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

lahd ugh ]vf hgl,j dhpsdk