2016/05/28, 01:45 AM | #1 |
معلومات إضافية
|
حواريه بين موالي ومخالف= سيد كاظم الشرع
وجبال الرواسي الصلدة تتصـــدع صدر مصيوب = ارث منهوب محسن عل ألأرض يوكع المصيبة فاطمه حتى الصبر يجزع ======= يكلي عاذلي شمالك تون وتنوح=ليلك يكضي بالحسرات ماتهجع تذكر غصة الباب بدمع مسفوح=وتهيج العواطف تذكر ألأضلـــع تريد تفرق ألأمه وتهيج جروح=وحنه بهل الوكت نحتاج نتجمع كتله لا تلف ودور=عمري الفاطمه منذور آني ويه الحزن متعاهد موقع [ ألمصيبة ======== أحنه بهل قضيه وياك متفقين=لازم نتحد ونعلي اســم الدين نصيرأخوان فردحزام متحزمين=لاجن عاذلي لا تغمض العينين شرايك بالتآمر ضد رسـول الدين=يعاذل تعتقد بالمصطفى مأمنين شتسمي هذوله الناس= كلي أشراف لو أرجاس جاوبنه يعاذل وحــجي بالواقع آني ويه الحزن متعاهد موقع [ المصيبة ======= أحجيها بصراحه وحكم الوجدان=لاتبكه بهيمه وضال بالوديان ذنب لا تبكه تابع لبن ابوسفيان=ما ينفع تره بيوم الحشرمروان ولا يشفع يزيد ولا خليفه فلان=نفسه ما يخلص من لظى النيران أهديلك نصيحه= روايتنه صحيحه بس المُصطفى والمرتضى اليشــفع آني ويه الحزن متعاهد موقع [ المصيبة ========= كال أنسه القضية لا تضل مهموم= محمد مات ما يرجع بعد للدوم مات وما ينفـــــعه لا وجل لا لوم=هم شفت اليموت يعاودعلى الكوم لا تبكه يعمي تأمل المـــرحوم= بعد شيفيد نوحك عل صبح معدوم لا تبكه تكابر=وتزور المقابر نبيك مات ما يكدر بعد ينــفع آني ويه الحزن متعاهد مـوقع[ المصيبة ============= كلتله هذا رايك راي أبوسفـيان=أبكه أنت بضلالك وأحنه بالإيمان أقسمـلك محمد يسمع ألآذان=كل يوم اليمر يشـــــــهدله بالإحسان يسجد وبسجوده يطلب الغفـران=لعد شيعة علي والزهره والحسنان همه أصل الشريعه=سفينتهم وسيعه ألشيعتهم محمد بالحشر يشــــــــــفع آني والحزن متـعاهد أموقع[ المصيبة ============= لو نفرض جدل شيخك جبير الكوم=متأثر لعد حال النبي ومهموم شتفسركلامه بحضرة المعصوم=شتفسر جلمته يهجر و مالـوم لذا مانقبل العذرك يوجه الشــوم=ونعتبره عمر من الفهم معدوم يضل ضلع الزجيه=شاهد عل الرزيه ويحَرّك ضمير العالمـــــــــين أجمع آني و ألحزن متعاهد أموقع [ المصيبة =========== يعاذل لا تضل فارغ بدون ألـباب=الحجر حن المصيبتها وتفسر ذاب تريد أنسه الجنين الي سكط بالباب=لوأنسه الوديعه ما عليها أحـجاب لهفي على الضلع من فاطمه ينصاب=ما أنسه الثدي من أم الحسن ينعاب يضل صدر الزجيه=شاهد عل قضيه لو محسن عدل بيمن بعد يرضع آني و الحزن متعاهد أموقع[المصيبة ============= ما انسه الزجيه وأنسه ذاك الحال=دم صدر الوديعه ينزف وســــــيال لهفي عل الزجيه والدمـــــع همال=أجت وقدمت دعوت أرث بالـــــحال أجت تطلب أرثها الغصبته ألأنـذال=كال أله النبي ما يورث ألأمـــــــوال ويعرف صادقه الزهره=ويشهد باري القدره لا جن الخليفه بالحُكم يطمع آني والحزن متعاهد أموقع [المصيبة ------------------------------ ألخليفه مُفترض بي حُجة ألإسلام=والمفروض عنده الناس ماتنضام خل نكول عنده بالشريعه ألهام= يريد يطــــــــبق القانون وألأحكام ويعرف فاطمه بت سيد ألآنام= لاجن واجبه يطبق حكم إســلام يعرف صادقه الحره=الرجل مايجهل الزهره يعرف بت محمد طاهره المنبع آني و الحزن متعاهد أموقع =========== يعرفها زجيه وطاهره البضعه=ويدري بفاطمه مـن النبي قطعه لاجن الرجل طبع الغدر طبعه=كال ألها أريد أشهـــود متــورعه جابتله الحسن وحسينه بسرعه=أم أيمن لعد الهادي مستمعه كال أله علي القرصه يجرالنار=والحسنين ذوله على الشهاده زغار الشهادة من الطفل ما تنقبل ترجع أني و الحزن متعاهد أموقع[ المصيبة ====== يمكنه تناسه كبل بضع أسنين=النبي نفسه قبل بيعة حسن وحسين لاجن الرجل وأزلامه فنانين=أغلق للنهر مـــــن أصله والفرعين فنان الرجل بالمُكر كلش زين=لون أرجع فدك للزهره والحســـنين ترد تطالبه بحــــك الوصي ألأنزع آني و الحزن متعاهد أموقع المصيبةفاطمه حتى الصبر يجزع سيد كاظم الشرع المصدر: منتديات شيعة الحسين العالمية اكبر تجمع اسلامي عربي - من قسم: الواحة الفاطمية p,hvdi fdk l,hgd ,lohgt= sd] ;h/l hgavu hg.vu p,hvdi ,lohgt= |
2016/05/29, 02:19 PM | #2 |
معلومات إضافية
|
احسنتم
بارك الله بكم بأنتظار جديدكم القادم تحياااااتي |
2016/06/04, 12:53 PM | #3 |
معلومات إضافية
|
أحسنت وأجدت وأبدعت
سلمت الانامل على هذا الطرح الراقي سيدنه الغالي |
مواقع النشر (المفضلة) |
الكلمات الدلالية (Tags) |
موالي, الزرع, حواريه, ومخالف=, كاظم |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدت لاتلوموني-سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 1 | 2016/05/26 07:39 PM |
عجل الله الفرج=سيد كاظم الشرع | الرافضي سيد كاظم آل حمادي المحمودي الموسوي | الإمام الحجّة ابن الحسن صاحب العصر والزمان (عج) | 1 | 2016/05/16 10:43 PM |
@@@@كالوا ليش@@@ بقلم سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 8 | 2015/11/09 09:50 AM |
حواريه بينحواريه موالي وناصبي حول بعض مظلومية أهل البيت (ع) بقلم سيد كاظم الش | الرافضي سيد كاظم آل حمادي المحمودي الموسوي | الشعر الشعبي | 1 | 2014/10/10 09:19 PM |
سيد حيدر الشرع قصيدة روعة أنا عراقي أوالي العراق | الشيخ البدري | الصوتيات والمرئيات والرواديد | 9 | 2012/11/14 03:52 PM |
| |