يا علي نحتاج سيفك

[النبأ العظيم]

يا علي نحتاج سيفك

بسم الله الرحمن الرحيم

السَّلامُ عَلَيْكَ ياأَمِينَ الله فِي أَرْضِهِ وَحُجَّتَهُ عَلى عِبادِهِ،
السَّلامُ عَلَيْكَ يا أَمِيَر المُؤْمِنِينَ، أَشْهَدُ أَنَّكَ جاهَدْتَ فِي الله حَقَّ جِهادِهِ
وَعَمِلْتَ بِكِتابِهِ وَاتَّبَعْتَ سُنَنَ نَبِيِّهِ صَلّى الله عَلَيْهِ وَآلِهِ
حَتّى دَعاكَ الله إِلى جِوارِهِ فَقَبَضَكَ إِلَيْهِ بِاختِيارِهِ
وَأَلْزَمَ أَعْداءكَ الحُجَّةَ مَعَ ما لَكَ مِنَ الحُجَجِ البالِغَةِ
عَلى جَمِيعِ خَلْقِهِ




يا علي نحتاج سيفك گوم يا حامي العراق
عاد جيش الشــام شايل بيده رايات النفاق
1
داعش اولاد السقيفـــــــه عادو ابنفس الهجوم
هناك جيش وهذا جيش اوجوه تارسها الوجوم
هناك نار وهذي نـــــار وكلهــــا يم دارك تحوم

هناك مگصدهم خيانه وذوله يردون الشِقاق
ياعلي نحتاج سيفك گوم ياحامي العراق
2
يا علي أهل السياســـــة ما بقت عدهم عقول
برلمان وبيه ماضل غيــــــــر كل فاسد جهول
والذي بيه الأمل معقود ما يـــــــدري اشيگول

صارت التجار بسمك يا علي اتبَوس الرفاق!
ياعلي نحتاج سيفك گوم ياحامي العراق
3
ياعلي وبعض العَمايم من وصفهه الإنبطاح
بدل مَيداوون جرحك زادوا اجروحك جــراح
ساده وشيوخ ونماذج خاليــه من كل صلاح

إيدهم بيد اليعادي فاطمـــه شــدت وثاق
ياعلي نحتاج سيفك گوم ياحامي العراق
4
ياعلي شفنـه المراجـــع دام عز كل العدول
عِلنَوا اليوم الجهاد وثــــارت أبناء الأصول
كل غيور ابگلبه ثابت منهج الخَطه الرسول

لچَن قائد ماكو قائد يمتطي سَرج البُراق
ياعلي نحتاج سيفك گوم ياحامي العراق
5
ياعلي جيشك غيارى كلهـــا تصرخ ياعلي
باعو الدنيا الدَنيـِّــــــــــــــه بالخلود الأزلي
كلهم ينـادون گامـــــــــــوا يا ملاحم هلهلي

إحنه عاقـَدنه المنيَّه وللعرس دمنه صِداق
ياعلي نحتاج سيفك گـــوم ياحامي العراق
6
يا علي نحتاج سيفـــــك بيه نفني المارقين
الله يشهد يبــو الحملـــــه بالنوايا صادِقيـن
شيعتك للموت نبقــــــه الهلمبادئ عاشِقين

دمنا چي نعلن ودادك صار ياحيدر يُراق
ياعلي نحتاج سيفك گوم ياحامي العراق



زكي الياسري النجفي
رمضان 1435

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

dh ugd kpjh[ sdt;