زنجيل ابوذيات في حب ال الرسول

[ابوشهد]

زنجيل ابوذيات في حب ال الرسول

حب ال محمد(ص)



*******************



عني افكـــار حبة منــو شظـــين
حب طـــه محمــد علي شظيـــن
وحكك كلبي بيهم صار شظيـــن
وكل شظ بي اظم حبهم ســــويه


بكل شظ انجمع حبهم وضل بيه
وكلبــي لاذ بفيايـــه وضـــل بيه
بحبهـــم ريت اجنن وضـــل بيه
حب المصطفى وحيدر خـــــويه


حب المصطفى وحيدر سنــد لي
وكلبي تلول من حبهم سنـــدلي
صيحو بصوت يا شيعة سنـدلي
حيــدر بالشهــــــادة الاحمـــديه


حيدر بالشهادة اندرج ونخـــاط
ونورة بنور طه انمزج ونخـاط
بسمة اطرز الاذان ونخــــــــاط
والتفصال بجفــــوف الــــزجيه


حب ال محمـــد الي تفصـــــــال
سرة بية ومشة بعضاي تفصال
حياتي بغير خطهـم علي تفصـل
وبس خطهــم بقة شغــــال بيــه


بس خطهم بقه وماخط سواهم
اوحكك ما ملك كلبي ســــواهم
لان ربك بجف قدرة ســـــواهم
وبفاضل خلقهــــــم من عليـــه


انا بفاضل خلقهــم طـــين صبـني
وبقالب عشكهـــــم طــــين صبني
يهالناصب انا مـــن طـــين صبني
شتضن تثر على ارض الغاضريه


شتضن تثر وانا منالطــف ترابي
وجـــــم طعنة باثر طعنـــة ترابي
وحكـــك عيني ابن حيـــدر ترابي
ولمن طــــاح طـــاح ابين اديــــه




*****ــــــــــــ*****ــــــــــــــــــ*****ـــــ ــــــــ***

اخوكم دوما وليس يوما
صادق الجبوري

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

.k[dg hf,`dhj td pf hg hgvs,g

[النسر]

تسلم الايادي على هذه الكلمات الرائعة
احسنتم و بارك الله بكم

[ابوشهد]

سلمك الله اخي العزيز استاذ صباح
شكرا لمرورك اخي الكريم

[ابوشهد]

سلمك الله اخي العزيز استاذ صباح
شكرا لمرورك اخي الكريم

[الشاعر خضير المسيباوي]

جزاك الله خير جزاء المحسنين ... وجعلك من الموالين المخلصين ...

تحياتي ...

[مهند الشمري]

شعر رائع بارك الله بكم