2013/02/28, 06:31 PM | #1 |
معلومات إضافية
|
ازعل من الموت لتجافينه**وبجمر فركَــاكــ لاتجوينه
بسم الله الرحمن الرحيم السلام عليكم اخواني اخواتي في مثل يوم الخميس المصادف2012\12\7 خرجنا جميعنا من المدرسه بعد انتهاء الدوام وتصافحنا جميعنا لان يصادف اليوم التالي عطله نهاية الاسبوع وكان من ضمننا الزميل(احمد عماد ابراهيم) وهذا طبيعي بين الاصدقاء وخصوصا الشباب وكان احمد ينظر الينا بنظرة الوداع م\اخر يوم كتب اسمه والتاريخ ع رحلته الساعه 7:30عصرا رن المبايل احد اصدقائي حسام:شلونك الياس الياس:هلو حسام شلونك اني بخير ها شترد مو اليوم شفتك شنو اشتاقيتلي؟؟ حسام:(بصوت كله حزن)الياس احمد مات الياس:حسام مالي خلك هلشقه الماله فايده حسام:الياس والله العظيم مو شقه احمد انضرب طلقه ببطنه ورجله وخسرناه بهذه الاثناء وقفت حيره من امري شنو احمد مات الصبح اني وياه وانسولف ونضحك شنو مات؟!!! بسرعه غيرت ملابسي ورحت للمستشفى واشوف حمودي نايم ع السديه وفاتح عيونه والطلقات نابته بجسمه...بهذا الاثناء انتهينا كاصدقائه ..طيب شلون امه وابوه بهذي الاثناء..والله لو جنتوا وياي وشفتوا الي شفته,, والله اموت ولا هذا اليوم يجينا.. احد الطلبه الشعراء الاخ محمد البهادلي كتب قصيده للمرحوم احمد ..وتقول ازعل من الموت لتجافينه**وبجمر فركاك لاتجوينه موش وكته الموت خلي ينتظر لاتماشي اجدامه خل عدك صبر هناك مايشاقه وياك الكبر واحنه بس ادموعنه اتشاقينه ** ** ** ** انفض تراب القبر دك الجرس الطالب اليتاخر يطرده الحرس ليش منه تروح مو عدك درس؟ خل نطب الدرس لاتلهينه ** ** ** ** اتوسلنه الموت خويه وعاتب بلكي ترجع من يعرفك طالب كله مانكدر يااحمد نسجلك غايب وكله حلم الفركه ليراوينه ** ** ** ** راح اجرحك بلحجي وطول السان يلسكنت ارض النجف ارض الامان ليش خويه تغيب مو عدنه امتحان وبغيبتك مانمتحن تدرينه ** ** ** ** كله صف السادس يموت بقهر لو قرب يومه وصدر هذا الخبر للدخول انريد من عدكم صور ونجيب صوره الك يااحمد حاجينه ** ** ** ** يم رحلتك ظلمه مكطوع الضوه يم رحلتك والله حزنان الهوه لاتحل وحدك خلي انحل سوه نمشي لوحدنه ابد لتخلينه ** ** ** ** للدروس شبيك جا مو حضرت ليش ماجيت وقريت وناقشت كابرت علموت شو ماكابرت ودرس موتك ابد مامنطينه ** ** ** ** ** ** ** ** الفاتحه على روح المرحوم حبيب كلبي احمد عماد ابراهيم ** ** ** ** رجاءا الي يريد ينقل الموضوع يذكر المصدر فقط المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي h.ug lk hgl,j gj[htdki**,f[lv tv;QJJh;JJ ghj[,dki |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
جسر الموت في كابيلانو | بشار الربيعي | السياحة والسفر | 14 | 2013/02/11 01:37 PM |
قصة حسن وملك الموت | احساسي عباسي | القصة القصيرة | 8 | 2012/12/21 07:49 PM |
قصة حسن وملك الموت | احساسي عباسي | القصة القصيرة | 2 | 2012/12/10 12:35 PM |
الموت وما بعده | بشار الربيعي | المواضيع الإسلامية | 4 | 2012/12/03 01:17 PM |
يتمنى الموت؟؟ | سجاد14 | المواضيع الإسلامية | 8 | 2012/09/23 08:18 PM |
| |