ضيف الاسبوع الاخ المدير العزيز جرح الغوالي

[احمد العراقي]

منو اختارلك اسم المنتدى انت اوغيرك اني من سجلت بي علمود اسمه ؟اني لان مموجود هذا الاسم ع كوكل
2-ادري بيك تكره كثرة الاقسام بس من راح الشيخ هو واقسامه من حقنه نطالب بأقسام جديده ولو واحد ونفرعه؟مدام كل الاقسام الضرورية موجوده ميحتاج اي اقسام اخرى واقسام الشيخ موجوده مخفيه
3-منتدانا هالفتره ماشاء الله احسن من قبل بهواي من حيث المشاهدات والردود احب اشكرك واكولك من تعصب لاتفتح المنتدى وتسويلنه مشكله ونرجع للخلف لاسامح الله ههههههه
وياريت لونسوي كل اسبوع تقيم لمستوى الاداريين الكبار ومنو الافضل نكافئه بوسام او نقاط اوهيج شي خصوصآ الجدد استلموا مهمامهم حتى يواصلون والله الموفق
الحمد الله الهذا اليوم العصبية ممطلعتني من المسار الصحيح ولا ظلمت احد لكن رضا الناس غاية لاتدرك

[احمد العراقي]

1-شنو كانت ردة فعلك من اعلن السيد السيستاني جهاد؟ والله هذه الفتوى فضحة كثير من الناس الي كانو يختبون خلف المرجعية وللاسف حتا مالبو ندى المرجعية ولو كان الكل خرج مستحيل نجد داعش في العراق

2- شنو رأيك بسرايا السلام من حيث مشاركتهم بالمعارك ؟ وهم تتمنى تلتحق بيهم ؟سرايا السلام جيش مدرب ولديه قياده حكيمة غير متسرعه ولا متهورة وتحاول بنفس الوقت ان تحافظ على ارواح جنودها منو كلج مملتحق بيهم لليوم

3-تعتقد الامور الى وين متجه بالنسبه للعراق طبعأ ؟ الى ارض الكوفة هناك الملتقى
4- الكل هالفتره ديفكر بالظهور المبارك من خلال ظهور اصحاب الرايات السود ؟ كيف هو استعدادك للظهورالروحي والنفسي ؟ بس خل يظهر ويذبحني هم اني راضي بس ان شاء الله يظهر عن قريب بس مو صدك يذبحني
وأذا الان وكالولك خبر عاجل ع التي في ظهر من تنتظره الرافضه شتسوي بلحظته ادري بيك هسه انت ابتسمت احجيلنه شنو شعورك؟! اكوم ادك واركص
5-تتوقع المالكي هو اكيد طالع ان شاء الله يلزموا بقضايا فساد لو راح تغلس دولتنه القادمه عن افعاله القديمه؟ مليون بالمية المالكي راح يتحاكم حتا لو طالت السنين لابد يجي رئيس وزراء شريف ويحاكمه لكن الموضوع يرادله صبر
6- اي قناة تثق بيه وتابعه بأستمرار لمعرفة اخبارنا؟تعتقد الاعلام اله دور باللي ديصير؟وكيف هو دوره ايجابي اوسلبي؟ حاليا اغلب متابعتي لقناة السومرية على الانترنت وقناة العالم طبعا اغلب الاعلام هسه كذب من اجل المعركة

[عاشقة بيت النبي]

رجاء ابتعدوا عن الاسئله السياسيه

[احمد العراقي]

هاي من شوكت نبتعد عن السيااسة شنو رجع صدام ومندري
اي سياسي فاسد انطيح حظة وحظ الخلفه كان من يكون

[عاشقة بيت النبي]

لالالالالالالالالالا مو هذا قصدي بس احنه هنا بالموضوع شويه ترفيه للاعضاء مالنه خلك السياسه عود بالمنتدى السياسي احجوا بالسياسه هنا ماكو

[الياس الموالي]

موضوع ححلو راجع سيد احمد

والاسئله ويايه

[عاشقة بيت النبي]

هههههههههههههههههههههههههههههههه
اي عفيه لتنسه الاسئله

[بنت الصدر]

السلام عليكم

شلونك سيدنا ان شاء الله مو تعبان من اسئلة اهات (اعرفه خبيثه ماترحم)

عندي كم سؤال مااثكل عليك ان شاء الله

1-ماهو السبب او الدافع الذي دفعك للانتقال من المنتديات العامة الى الاسلامية؟

2-ماهو رأيك الصريح جدا(وانت معروف بصراحتك )ببنات المنتدى؟

3-كلمة توجهها لاخواتك بنات المنتدى

4_جرح الغوالي في المنتدى هل هو نفس شخصية سيد احمد في حياته الطبيعية

5-لو حدث في يوم من الايام ووصلك امر من سماحة السيد القائد بشخصه هو وطالبك انت بالاسم (سيد احمد)
ان تخرج لساحات القتال وفي نفس الوقت تمنعك والدتك من الخروج وتخبرك ان بخروجك سيكون موتها(الله يطول بعمره ان شاء الله)
واصبحت انت الان بين خيارين
اما طاعة القائد
او موت والدتك(الله يحفظه ان شاء الله)
ماذا ستختار هنا وفي هذا الموقف

طبعا اعذرني يمكن يكون سؤالي مو بمحله ولكن ضروري تجيب عليه لي غرض من هذا السؤال

6-عضو او عضوة من اعضاء المنتدى ترتاح له كثيرا وتعتبره صديق روحك وقرينك(طبعا انا اعرفه بس هيج حبيت اسأل)

7-بنت الصدر هل اساءت لك يوما فأن اساءت فهي الان تطلب منك براءة الذمة والعفو فهل تعفو


وشكرا اعتقد اسئلتي هواي يله خل نتعبك سيدنا

[باسمي للابد]

السلام عليكم

عندي اسئلة انشاء الله خفيفة هههههه

اجمل صفــه تراها فينفسكـ ..؟

ماهي طموحاتك في الحياة؟

-مـــآهو اكثر شيء يزعجك في المنتدى..؟

-عضــــٍـٍـومـَرح:
...........
-عضــٍـٍـوحســآس:
.............
عضو كثيرالسؤال:
..............

من هم ابرز الاعضاء الذين لفتو انتباه

-عضـــٍـٍـو تعرفت عليهـ عن طريق المنتدى:.

ماهو مبدئك في الحياة؟

منهو اعز عضو تقدره وتحترمه؟



اي قسم في المنتدى يعجبك؟

ماهي هواياتك؟

مالفـرق بين الحب والصداقة؟وهل يمكن ان يسلكا طرق الغيرة؟

شو أصعب المواقف اللي مريت بها ؟.

شو موقفك من الحب ؟؟ وهل جربته؟؟ هل تأمن بوجوده ؟

في أي قرار تتخذه هل ..... تحكم عقلك أم قلبك فيه ... ؟؟ ومن الأسبق في التحكيم قلبك أم عقلك ؟؟؟؟؟؟؟؟
هل ازعجتك بهذه الاسئلة؟بصراحة قول ترانااخوان واقبل منك اي شي

[عاشقة بيت النبي]

خوش اسئله يله سيد جاوب