2016/08/03, 04:19 PM | #1 |
معلومات إضافية
|
قصيدة (تمايلنه طرب )بقلم سيد كاظم الشرع
((تمايلنه طرب)) ======== تمايلنه طرب يوم الأجـــــــــه التغير=للصندوك رحنه بحيل وبهمــــه كلنه الشيعه ذوله اولاد داحي الباب=ليالي البيض حلت راحة الظلمــه راح الفقر ولى والليالي الســـــــود=واصبحنه بنعيم وحلت النعمـــــــه اسف والله عليكم خابت الآمــــــــال=وصار البعث عدنه يُذكر برحمــــه بيضتوا وجه صدام وبن سعـــــــود=وصبحنه عليكم ندعوا بالنقمـــــــه كثره احزاب صارت والشعب محتار=على نفسه انقسم هاجم فرد هجمه يا روس التحالف ليش هذا صــــار=خجلتوا علي وحسين ابو اليمــــــه --------- على حساب المناصب خنتوا الكرار=على ناي الدواعاش صارت النغمه يامن تدعي شيعي وتحب حســــين=روح استطلع التاريــــــــخ وفتهمه ابن وقاص يعرف فضل ابوالسجاد=لجن حب الرئاسه اذهب بحلمــــــه مثل ما أنت طامع بالكراسي اليــوم=عمر هم جان يطمع بالري وحكمـه إذن لو جنت أنت بكربلــــه موجود=هم تذبح المولى وتحرك خيمـــــــه تكطع جف أبو فاضل وتسلب جود=وعبد الله الطفل هم تسفك الدمــــــه وتسبي العايله وتروع النســــوان=وقانون التقيه تفعله وتحكمـــــــــــه اذن بيضتوا وجه يزيد يا أوبــاش=وسودتوا اوجوه الشيعه والأمـــــــه فضحتونه بطمعكم يا وجوه الشوم=عسى واحدكم اسليمه تجي تطمــــه المناصب زايله والموت حتماَ جاي=فكر ياغبي بكبرك وبالظلمــــــــــــه شنهي قيمة المنصب عليه تبجون=المنصب من علي بالحشر نستلمـــه ========= لاجن للأسف موكل ركب خيــــــال=ولا كل سيف بالميدان اله حرمــه ولا كل التعكل يعني ابن جـــــــواد=ويحل الحجي وبســــــرعه يفتهمه ولا كل البس له رباط يعني استــاذ=ولا كل المدشدش امي نتهمــــــــه ولا كل المصخم يعتبر حـــــــــــداد=ولا كل المعمم يعني بالقمــــــــــــه ولا كل العشك يعني صبح مجنـون=نصدك دعوته والناس تحترمــــــه ولا كل اليكول آني احب حسيــــن=مخلص بالمحبه وصادق الجلمــــــه المحبه موش دعوه ولقلقه بلسان=المحبوب الحبيبه يضحي بدمـــــــه بس عابس صبح مجنون بالتاريخ=الف رحمه على روح الوالدة امـــه كوموا توحدوا يا لشيعة تتسمـــون=لجل راية علي ترتفع بالقمــــــــــه صدقوني الأمر مرسوم بالتكــوين=لعد كلشي نهايه من الله متحتمــــــه بالتالي ألأمر محـسوم لهــل البيت=مثل ما فـتح بيهم بيهـُم الخــتمـــــــه مثل ما فتح بيهم بيهم الختمه سيد كاظم الشرع المصدر: منتديات شيعة الحسين العالمية اكبر تجمع اسلامي عربي - من قسم: خيمة شيعة الحسين العالميه rwd]m (jlhdgki 'vf )frgl sd] ;h/l hgavu )frgl hgavuL1437 rwd]m التعديل الأخير تم بواسطة الرافضي سيد كاظم آل حمادي المحمودي الموسوي ; 2016/08/03 الساعة 04:30 PM |
مواقع النشر (المفضلة) |
الكلمات الدلالية (Tags) |
(تمايلنه, )بقلم, الشرع/1437, قصيدة, كاظم |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدة النبع الصافي بقلم سيد كاظم الشرع معروضه للنقد والنقاش | الرافضي سيد كاظم آل حمادي المحمودي الموسوي | الشعر الشعبي | 3 | 2018/07/05 10:59 AM |
@@@@كالوا ليش@@@ بقلم سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 8 | 2015/11/09 08:50 AM |
قصيدة النبع الصافي بقلم الشاعر سيد كاظم الشرع | السيد ابو هاشم الشرع | الحوار العقائدي | 3 | 2015/07/08 09:47 PM |
قصيدة يشهد القرآن تشهد سوره بقلم سيد كاظم الشرع | الرافضي سيد كاظم آل حمادي المحمودي الموسوي | جليل الكربلائي | 3 | 2014/10/11 06:03 AM |
| |