2014/01/08, 06:50 AM
|
#1 |
|
موالي ماسي
 
معلومات إضافية
 رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
 
|
قصائد إصدار -تلكَ الصرخة- باسِم الكربلائي |مكتوبَة
بسم الله الرحمن الرحيم صلّى الله و باركَ على محمد و آلهِ و عجّل لهم الفرج تلك الصرخة (ميرزا عادل أشكناني) من بين الصواوين الـْ توج نار .. دخّان الـْ خنق صدر السماوات طلع صوت العقيلة يطر الأسماع .. يـَ ابويَ الحق علينا حسينكم مات بغيم النار جاك الصوت .. شايل بيه ريحة موت يا بو حسين فات الفوت فات الفوت و أنا فوق الهضيمة و دهشة البال .. صرِت كهف و ملاذ الفاطميات تكض طارف عباتي جفوف الأيتام .. أخافن لو تجرها تطيح العباة طول الـْ جان ما ينشاف تالي انشاف بعين أجلاف صوت أطفال عمة نخاف عمة نخاف خيمنا مفرهدة و من يجبل الليل .. تغطينا الثريا و ع الثرى نبات ننام بضيمنا و نتمدد جروح .. مِن رْماد الخيم نصنع وسادات حين النوم هـَ الأيتام ترجف روع ما تنلام بْلا عباس شلون تنام شلون تنام سهرت اعلى الحراسة بْـ ليلي ثلثين .. ثلث منه في وقت المناجاة لأن سجادتي احترقت بالخيام .. قمت أفرش همومي و أقرا آهات و بهالحال مني الروح تصلي الليل ع المذبوح و ادعي بصوت بس مبحوح بس مبحوح تصلي عيوني جهرًا فرض الدموع .. لجن لمن أونّن ونّي اخفات أخاف بصوتي طفلة تفز من النوم .. و أخافن لو صحت يسمعني شمّات المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية rwhz] Yw]hv -jg;Q hgwvom- fhsAl hg;vfghzd |l;j,fQm 
التعديل الأخير تم بواسطة النبأ العظيم ; 2014/01/08 الساعة 06:53 AM |
|
|
2014/01/08, 06:53 AM
|
#2 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
يا غريبة (السيد عبد الخالق المحنّة) ها يـَ زينب وحّدج و الدنيا ليل .. يا غريبة و شايلة بدمعج نهر امنين أجيبن لج يـَ بت حيدر كفيل و بهالظلام امنين ادور لج قمر المسافة بين عينج و الفرات , غيمة عطشانة و تدور ابلا مطر ها يـَ زينب طالعة بهذا الظلام ، اسم الله صاح الليل لو جدمج عثر خطوة أجدامج مثل طير الغريب ، بين ألف صايود و جناحه انكسر عاصفة حزنج تطخ إلها الجبال ، و انتي راسج عالي يتحدى الخطر الليل يا زينب يطول اعلى الـْ يخاف .. و انتي من كثر العتب ليلج قصر شوفة خيالج قبل بالمستحيل ، هسة ياهو الـْ جان من حقه النظر النوم سلطان و يسيطر ع الجفون ، إلا انتي نايمة بعينج سهر يا بحر من الألم موجاته آه ، يا وكت صار النهر يقهر بحر ليلة العاشر عن ألف عام و تزود ، بين دمعة و دمعة نمشيها بشهر كفّي دمعج خلي للشامت دموع .. لمّي صبرج باجر وداع و سفر لو ركبتِ الناقة من يلزم ايديج ، مدي جفج يمكن الكافل حضر من تعبرين الصحارى اعلى الهزيل ، ع الرمال دموعج تخضر شجر حزنج اهْواية لجن عمرج قصير ، و آنا كل عمري لجل عينج صفر ويّ طولج بيه قصر جرح الطفوف ، عذر ابو الغيرة اوي طولج جف كبر ها يا زينب لا تمرين اعلى اخوج .. يموت صبرج من تشوفين النحر سِحْقِتَه الخيل و توزع ع التراب ، خنصر المقطوع ينطيج الخبر مثل ابوج امشي و انظري للأمام ، حيدر بصدرين يمشي بلا ظهر يـَ الـْ قصدتِ اعلى النهر كلج عتاب ، هـَ الله الله بكافلج من اعتذر جفوفه ذبلن مستحى طلبن سماح ، لـْ خاطر القادر اعذري الـْ ما قدر ها يـَ زينب وحّدج و الله المعين .. انتي دمعة و الخصم قلبه حجر - يتبع - |
|
|
|
2014/01/08, 06:55 AM
|
#3 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
تسرح عيوني (السيد سعيد الصافي) أكبرُ يا روحَ ليلى مَن فؤادي في يديه سجد النزف و صلى بالدما في ودجيه و هوى بيتي المعلّى مذ هوى السيف عليه لم يطُفْه السبط إلا و انا أسعى لديه يا ثرى شبليَ حلّ ظامئًا خذني إليه تسرح عيوني بـْ جمالَك .. عوّدتني من يسد خلّة وصالك .. لو عفتني صبري بعدك مستحيل .. و انتَ ناوي اعلى الرحيل عودتني كحّل جفوني الأمل .. من شفت بدرك كمل .. ما جنت أدري الأجل .. يخطف أحلام العمر قلبي أمّن من صرت .. وآنا غيرك ما ردت .. أحسب أيامك جنت .. ليلة ليلة و انتظر يـَ ابني يبرى لك حناني .. من صيارك ، و آنا يا زهرة زماني .. بانتظارك ردتك لعمري خليل .. و انت ناوي اعلى الرحيل عودتني حلوة عندك كل صفة .. رابي بأحضان الوفا .. ليلي يظلم لو طفى .. وجهك الـْ مثل البدر طولك الـْ مثل الغصن .. شمعة يشعلها الحسن .. قلبي كل ليلة الـْ تجن .. يستعيذ من الهجر فتحت وردة وجودك .. من شفتها ، روحي من وحشة صدودك .. طمأنِتها لـ الأمل ما ظل سبيل .. و انت ناوي اعلى الرحيل عودتني حسرة الأم ع الولد .. تبدي من عمر المهد .. تطرد عيون الحسد .. وي طلعة كل فجر ما يمر بيها الوسن .. تحسب حساب الزمن .. ليلة الـْ سار الظعن .. لاحت نجوم الصبر لو قضت رحلة عمرها .. وي حزنها ، ما أظن يضمد صبرها .. جرح ابنها صاحت شعندي بديل .. و انت ناوي اعلى الرحيل عودتني ويَ كل خطوة الدهر .. يرسم بدرب السفر .. صورة أشباح الخطر .. منحر و دم ينهدر عمري ليلي ابلا صبح .. هذا مو أول جرح .. أنتظر سيف الذبح .. يترك جروح شكثر
لو رحت بعدك نهاري .. تطفى شمسه ، من تصير الغربة داري .. يـَ ابني شـَ انسى ؟ نوحي ما يشفي الغليل .. و انت ناوي اعلى الرحيل عودتني جم ضلع مني التوى .. من شفت طولك هوى .. يا قمر ينزف ضوا .. صابته سهام الغدر يـَ ابني جانت منيتي .. لمن تحل ساعتي .. تحمل انتَ جنازتي .. قبلك يضمني القبر و الزمن غير حسابي .. هذا حالي ، لو أبث شكوى عتابي .. و الـْ جرى لي حصتي دمعي الـْ يسيل .. و انت ناوي اعلى الرحيل عودتني - يتبع - |
|
|
|
2014/01/08, 06:55 AM
|
#4 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
انتَ شاعريتي (إيهاب المالكي)
انتَ شاعريتي .. موقفي و هويتي من يجيني عاشور .. تنولد قضيتي قبال النحر ألقى النظر يرسم صور غرامي .. و ألقى الألم رافع علم فوق القلم يـَ ظامي تنولد قضيتي جدم القصيدة إذا إلك يطوي المسافات .. و تطيح دمعة ملحمة امن عيون الأبيات يـَ حسين وياك الصور تترجم آهات .. تبجي القوافي و ينكسر ظهر العبارات قصتك عجيبة .. بالحزن غريبة ، و ين ألقى احساس .. يشرح المصيبة بيه جرح سيف و رمح من ينذبح إمامي .. و ألقى الألم رافع علم فوق القلم يـَ ظامي تنولد قضيتي مرات أحاول بالشعر ألقي لي مطلع .. من أكتب اسمك أسكت و أفكاري تخشع يتقدم إحساسي إلك و عيوني ترجع .. أتمنى أكتبك ثورة بس ما بيها مصرع مصرعك عزائي .. دمعتي و دمائي ، و آنا باقي يـَ حسين حزني كربلائي جيش الحزن لمّن أون يحتل وطن كلامي .. و ألقى الألم رافع علم فوق القلم يـَ ظامي تنولد قضيتي بـِ أسلوب شعري حزنك يعلمني الأسلوب .. كل وصف أختاره إلك بأوصافك يذوب وزن القصيدة الـْ تنكتب نبضات القلوب ..يـَ حسين أحس انتَ جرح بأوراقي مكتوب موقفك رسمته .. بالشعر كتبته ، و آنا شوقي وياك .. لسة ما وصفته الله جعل باسمك أمل ما يشبه الأسامي .. و ألقى الألم رافع علم فوق القلم يـَ ظامي تنولد قضيتي من يخلص إحساسي أجي لك آخذ إحساس .. تنطيني و آنا سيدي واحد من الناس تبتدي ترجع روح شعري و أسمع أنفاس .. و بصحرا روحي الإمام خضرا و يخضر الياس بالكتابة بالي .. ينشغل يـَ غالي ، و انتَ وي الأشعار ..عايش بخيالي من تنوصف آنا اعترف شي يختلف هيامي .. و ألقى الألم رافع علم فوق القلم يـَ ظامي تنولد قضيتي يـَ حسين أخلي بالقصيدة ع الحزن سور .. أكتبها و أشعر من ورقتي ينبعث نور تخلص و لكن آنا من أختمها معذور .. حتى أرجع من جديد يرد لي عاشور ألمح المنايا بـْ مطلع البداية .. خايف امن الأبيات توصل النهاية حال القلب كلش صعب من يقترب ختامي .. و ألقى الألم رافع علم فوق القلم يـَ ظامي تنولد قضيتي - يتبع - |
|
|
|
2014/01/08, 06:56 AM
|
#5 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
دمك (ناظم الحاشي)
دمّك و دم اسماعيل خلاهن بميزانه و اختار دمك يـَ حسين رب العرش قربانه قربان لِـ الدين الحنيف اختارك .. و بدمك الإسلام كله تبارك سماك ثاره و راد ياخذ ثارك .. و انت الفدائي الـْ ما عرفنا أسرارك طير النبوة الـْ بالغار لاذ النبي بجنحانه .. و اختار دمك يـَ حسين رب العرش قربانه يـَ حسين حزنك لا تظن ناسينه .. يا قطعة سودة نشوفها تبجينا كلما بعدنا بحضرته تلقينا .. صوت بضريحك سيدي ينادينا واقف نشوفك بالباب يـَ حسين تتلقانا .. و اختار دمك يـَ حسين رب العرش قربانه باسمك دعاة الفتنة نتحداها .. كل السهام بدمنا نتلقاها هاي الشعاير منحرك سواها .. و نعرف نهاية كل شخص عاداها نعرف الـْ عاداك بسيف و الـْ حاربك بلسانه .. و اختار دمك يـَ حسين رب العرش قربانه اعذرنا يا مولاي لو قصرنا .. نشعر قليل شما إلك قدمنا و قبال دمك ماكو قيمة لـْ دمنا .. يـَ حسين طفّك ع الشرف علمنا علمنا طف الأحرار نهج النبي و قرآنه .. و اختار دمك يـَ حسين رب العرش قربانه جبناها بالدم مو سهل جبناها .. و أرواح لأجل حسين قدمناها فتوى النواصب بالوحل دسناها .. و الـْ عادتك يـَ حسين عاديناها ربحت الـْ صارت وياك و الـْ عادتك خسرانة .. و اختار دمك يـَ حسين رب العرش قربانه يا ناس عين الـْ ما بجت مذلولة .. و حسين هذا شلون ما تبجوا له الـْ عادى الشعاير يا بشر قولوا له .. صومه و صلاته و حجته ما مقبولة يوم الحشر وين يروح من حيدرة الـْ عادانا .. و اختار دمك يـَ حسين رب العرش قربانه - يتبع - |
|
|
|
2014/01/08, 06:57 AM
|
#6 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
زينب (إيهاب المالكي)
زينب .. ردت أوفي وياج الوعد زينب .. بس صوبوا راسي بعمد زينب .. ما أقدر أرجع لج بعد زينب صبّرِت دمعة وداعج بابتسامة .. و انتي قلتِ لي ترد لي بالسلامة نوح قلبج أشبه بنوح الحمامة .. بالي عفته يمج و يم اليتامى أمشي .. و الخطوة بالفرقى ألم أمشي .. وعيوني تربي ع الخيم أمشي .. و أشتم حنينج عن بعد زينب و الله يا زينب فلا عن بالي رحتي .. حتى من عفتج ورايَ قبالي صرتي صوتج بقلبي سمعته باسمي صحتي .. و التفت اعلى الشمس حسبالي انتي ناري ... وياج أبرر موقفي ناري .. من أذكر اسمج تنطفي ناري .. بالفرقى قلبي ما برد زينب انتي صبرج ما أظن يوجد نظيره .. لكن آنا بالقلب خلى لي حيرة خايف آنا لو متت ترحين أسيرة .. أخاف واحد يسألج وين العشيرة كلمة .. خايف يسمعج العدو كلمة .. تتذكرين امن الأخو كلمة .. من هايَ جمري ما خمد زينب آنا أخوج الـْ سيفه ما ثنّى لـْ عدوه .. ما ضربت الخايف و ما شفته يسوى صاحوا العباس إجانا هذا هوّ .. ع النهر ظلت لي راية للأخوّة راية .. بالخوّة بيها ينحلف راية .. و تذكريني من ترف راية .. أبقى اعلى بالج للأبد زينب آنا نهر العلقمي سويته عِبرة .. من وصلته شفته عني عنده فكرة ودى روجاته لـ ايديّ حتى أعذره .. ما قبلت أخلي منه بيدي قطرة قطرة .. قلت له اعلى شفتي ما تمر قطرة.. و أهلي العطاشى تنتظر قطرة.. ما ذقته حالف بعهد زينب - يتبع - |
|
|
|
2014/01/08, 06:57 AM
|
#7 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
لحظة موت ( السيد عبدالخالق المحنة) لحظة موت و التابوت رمله تصفي إلها النار يـَ المطروح راح تروح و الذباح سل بتار ينده وين يـَ اخت حسين يقعد فوق صدرك صار ظل يآذيك يرفس فيك و انت تشوف حرق الدار ضرب سيوف و اخته تشوف من الخيل لاذت بيه متعنيه يطبر بيه و بلا خوف ثنّى عليه و الذباح مل و صاح نحر حسين بيه أسرار بيه تهليل بيه تقبيل بيه أنفاس للمختار بصدرك داس حز الراس و الأطفال كلها تلوع حتى الخيل صاحت ويل تسمع صوت كسر ضلوع جسمك راح طعن رماح ضرب سيوف رمي أحجار طولك ذاك قطعة هناك قطعة اهنا ظل طشار موت إحساس عند هالناس يـَ المذبوح من مقفاه جف مبتور جف مشمور خنصر ضاع وين ألقاه و الميدان صدرك جان ليش الكون ما يندار تحت رمال ألقى أوصال حافر فوق خدك مار و الميمون رد محزون و النسوان فرن ليك وحدة تصيح وحدة تطيح و من الخوف لاذن بيك وحدة تقول ما مجتول وحدة تقول يا ستار دارن سور ع المنحور دم و دموع فيض أعبار - يتبع - |
|
|
|
2014/01/08, 06:57 AM
|
#8 |
|
موالي ماسي
معلومات إضافية
رقم العضوية : 771
تاريخ التسجيل: 2012/12/04
الدولة: iraq*Baghdad*
المشاركات: 9,729
المستوى :
|
الرجل العظيم (مهدي جناح الكاظمي)
و حملت عطشانا و قلبك يمطر .. سجدَت له لما استفاض الأبحرُ ها إنّك الرجل العظيم و ها همُ .. في كل يوم يصغرون و تكبرُ و أردت عمرك أنهرًا و جداولا حتى انحنى خجلا لهن الكوثر لاذت بنحرك كربلاء و ماؤها فحماهما منك النجيع الأحمر و سقيتها من ماء قلبكَ ثورة للآن تحصد ما سقيت و تبذر فكتاب ثورتك السخية معجز و حديث أشجار انتصارك مثمر و صنعت للطوفان أي سفينة فيها بعشاق الشهادة تبحر و بقيتَ متشحا خضابك سيدا للأرض تنهى ما تشاء و تأمر و مبصّرا للعالمين و مُبصرا يا واحدا في الدهر لا يتكرر و تقود كل الفاتحين مظفرا و محمد عن جانبيك و حيدر في الطف كنت بعين ربك ناظرا و الله في عينيك وحدك ينظر و علوتَ حين علتك خيل ضلالهم جالوا عليك و أنت منهم تسخر سالت جراحك مثل دمعات زينب صلت و محراب الصلاة المنحر و السهم سبّح في فؤادك ساجدا يبكي و خدك في التراب معفر و السبي وحش و الظلام مخالب و صراخ أطفال و شمر ينهر أنت الحسين علامة و دلالة تبقى و أهل العشق فيك استبصروا سيظل عاشوراء حزنك سرمدا و تظل تطوينا الدموع و تنشر جاءت ضريحَك مكةٌ وحجيجها كي ما تطوف بكربلا و تكبّر و إذا بحضرتك الكريمة أحرمت فثراك من أركان مكة أطهر و استبشرت بك زمزم بولادة و جميع أملاك السماء استبشروا قولوا لفاطمة الزكية أبشري معنا فوليدك فوق ما يتصور من ذا يطاوعه الخيال فيرتقي لبريق عين الله من ذا يقدر ------------------------------------ تمّ بحمد الله و توفيقه |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| جميع قصائد اصدار قل ما تشاء للرادود الحاج بــاسم الكربلائي - مكتوبة | بسمة الفجر | القصائد الحسينية | 10 | 2015/10/18 06:54 PM |
| قصائد إصدار :: تزوروني :: للملا باسم الكربلائي (( مكتوبة )) | بسمة الفجر | القصائد الحسينية | 6 | 2015/09/12 02:12 PM |
| أهدااااااااااااء إلى منتديات شيعة الحسين العالميه قصائد الحاج باسم الكربلائي | هو الحق | باسم الكربلائي | 13 | 2014/01/20 11:39 AM |
| قصائد اصدار ( يسجلني ) مكتــوبه باسم الكربلائي 1433هـ | بسمة الفجر | القصائد الحسينية | 1 | 2014/01/06 05:57 AM |
| جميع قصائد اصدار مجانينك 1434هـ باسم الكربلائي / مكتوبة | بسمة الفجر | القصائد الحسينية | 1 | 2014/01/06 05:55 AM |
| | |
العرض العادي
