2016/09/01, 10:20 PM | #1 |
معلومات إضافية
|
غريب الدار = الرافضي سيد كاظم الشرع
القاسم الغريب بن الإمام الكاظم ع ----------- غريب الدار ألف وسـفه=مقامه محد يعـرفه جد القاسم المختار ابوه الكاظم المغوار مقامه محد يعـــرفه غريب الدارألـف وسفه ------------- طلع متخفي تالي الليل=مطلوب البني العباس ما يندل طريقه منيــن=كل مَلزم عليه حـراس ما يعرف نوايه الكوم=يخاف يطيح بيد أرجاس تسلمَه الزمرة لأشرار=الضمائرماتت من الناس باعت دينها بفلسيــــن=ما ضل للشرف مقياس وبهذا وكتنه اليـــوم=عادت زمرة الأنجـــــاس الوادم عافــــت الإيمان بجدمها داست الوجدان الجتلنه تدور بلهـفه غريب الدارألف وسفه --------------- صارت وكفته بســـتان=كثيف وعالي الأشجار صار القاسم بحـــيره=لوين يروح ماله أنصـار سمع يحجن بنات أثنين=يحلفن بالوصي الكرار كال ألهن من المقـصود=كالن راعي الفـــــقار نشدهن كالهن يــــاهو=بهذا الحي أميـــر الدار كالت وحده من عدهن=أبونه النــــاهي والأمار تفضل روح للديوان أبونه للبلد عنـــوان تعال البيـتنه وشـرفه غريب الدار ألف وسفه ------------------ بصحبتهن مشه للدار=شاف ضـيوف مختـلفه عاقـــد جلسه والدهن=يحل الصـعبه والكــلفه القاسم ســلــم وكامت=كأنها الــوادم تعــــرفه المؤمن بالله والمختار=واضـح موخفي وصفه شرايك بالذي جـــــــده=أبوالحسنين هم يـُخـفـه القاسم من نسـل عدنان من يجبل على الديوان أنواره الساطعه تكشفه غريب ألدارألف وسـفه -------------- القاسم ضل ثلث تـــيام=ضيف معـزز مكـــرم رابع يـــوم أجه للشيخ=كله أسألك يـــــــا عم عمل يـــا عمي تطيني=أعمل بيه وضل عدكم كال الشـــــيخ يوليدي=عليمن مغتم ومهـــتم تضل طول العمر ضيفي=والغلـمان ألك تخدم الضيف نحطه بالعينين يبني ما ننشده منين يعمي الضيف ما كلفه غريب ألدار ألف وسفه --------------- القاسم كاله ونعـمين=من أهل جود أوفه ورقـه لاجن الشريعه تكول=الضيف ثلاثه مــــن حقه صرح بيهن المختار=الزايد يعتــــبر صـــــدقه كال الشيخ يولـيــدي=ترعه أغنامنا بــــــرفـقه القاسم كـاله يــــاعم=آني مهنـــــــــــتي ســقه يعمي مُنيتي بدنيـــــــاي أجيب من الفرات الماي روحي بهل عمل تصـفه غريب الدارألف وســـفه --------- ألك هذا العــــمل كلــــــه=روح وباشر أعمالك روح وأجلــــبنه الـمـاي=النهر ذاك هـل أكـبالك يبـــــني ضيوفنا طيـبين=لا لا ينشـــــــغل بالك يبني بــــــــراحتك اعمل=لا تضــــغط على حالك أشوفنك ضــعـيف الحال=وخاف عليك تتـــهالك القاسم كالـــه بعيناي لضيوفك أوفر الماي ما قصر ولا غـــــرفه غريب ألدار ألف وسفه -------------- القاسم من يصل للماي=ينتابه فزع وإحساس كأنه يشـوف جده حسين=بالحومه بلايه راس كأنه ينظـــــــر ألأكبر=عليه تحاشمت أرجاس يذكر عمــــــته زينب=أسيره بين كوم أنجاس من يملي الأناء بماي=يذكر جربة العـــــــباس يضل يتأمل القاســـــــــم دمعه على الوجن ساجم ونار حسين ما تطـــــفه غريب الدار ألف وسفه ------------- بعد مده أنتبه له الشيخ=شافه يعــــــــبد الربه تشع أنوار مــــن وجه=من يسجد على التربه عرف لنه رجل صالح=منـــــــه اخذته الرهبه الرجل حب يعرف حوالـه=وبكلبه ثبت حبـــــه لاجن هيبة القــــاسم=تمنــعه يحـــقق الرغبه يشوفه يناجـــــي الباري دمعه على الوجن جاري بكه متحـير بوصــــــــفه غريب الدارألف وسـفه ============ من شاف الصلاح عليه=كلبه تعلك بحبـــــــه الرجل فكر بلا تأخير=صار يزوجه ويقــربـــه جمع أهل الطرف والحي=أطلعهم على الرغـبه كالوله العقد والـــــــــحل=بيدك وانت التحسبه لاجن بس طلب عـــــدنه=تعرفه منين وتنسبه كالهــــم رجل عابد ما حاجه نجي ناشد الورع يكفينه عــن عرفه ------------- أجا شيخ السلف خجلان=يمشي برهدنه وبهداي وصل يم الغــــريب وكال=يبني منيـــــتي بدنياي ازوجك يبني يل قاسم=افرح بيك يبنـــــي هواي على ملة رســـول الله=وحده مـــــــن بناتي هاي أزوجك منها يا قاســــم=وبهذا تكر عيـــــــــناي القاسم كالــــه مشكور ألك هذا العمل مذخور يجازيك النـبي بلـطـفه غريب ألدار ألف وسفه ----------- تزوج مـن بعد مـــــــده=طفله القـــاسم نولدت بعد فتره الغريب نصاب=المنيه كربت وحــــلت ساعتها الغريب أفــشى=سِره ألبنته وانهضمت وكال العمه ياعــــــــمي=وكت مصارحه حلـــت اخذ هاي اليتيمه ويــاك=لون حجاجـــها سارت يعمي حي بني هاشم أهلـــي والدي الكاظم بيته عالي الشـرفـــــه غريب الدار ألف وسفه --------------- الرجل لمن عرف ضيفه=من أولاد النبي المختار كعد يلــطم على راســـه=ويهل الدمــــــوع عبار شعذري من أمك الزهره=يقاسم والوصي الكرار شكول وشعـــتذر يبني=من أبوك الكاظم المغوار كال القاسم العمـــــــــه=يعمي مــــــا عليك غبار دمك خالــط الدمنه هنيالك على الجنه معروفك جزه وكـفـــــه غريب الدار ألف وسفه ------------- صحيح القاسم بغربـه=غريب الدار ما معـروف لاجن رابع الخمسه=غريب يموت برض طفوف رضوّا صدره أهل كوفان=وراسه بكل بلاد يطوف ويتيمة قاسم بعـزه=وكرامه رجعت بلا خـــــــوف ويتيم حسين أبوالباقر=بكيد وجامعه مجـــــــتوف أرقيه ماتت بحسره العابد والحرم يسره من ايد الأيد متجـتـــفه غريب الدار ألف وسفه ============= الرافضي سيد كاظم الشرع الموسوي المصدر: منتديات شيعة الحسين العالمية اكبر تجمع اسلامي عربي - من قسم: عاشوراء الحسين علية السلام yvdf hg]hv = hgvhtqd sd] ;h/l hgavu hgvhtqd hg.vu yvdf |
مواقع النشر (المفضلة) |
الكلمات الدلالية (Tags) |
الدار, الرافضي, الزرع, غريب, كاظم |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اعياد الغدير=الرافضي سيد كاظم الشرع | الرافضي سيد كاظم آل حمادي المحمودي الموسوي | الرسول الاعظم محمد (ص) | 6 | 2016/09/13 08:54 PM |
لا تهيجوني الرافضي سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 6 | 2016/09/10 09:13 AM |
قصيدة(شذرعسجد) الرافضي سيد كاظم الشرع | الرافضي سيد كاظم آل حمادي المحمودي الموسوي | عاشوراء الحسين علية السلام | 2 | 2016/09/03 12:50 AM |
حواريه بين رافضي وناصبي=الرافضي سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 1 | 2016/09/01 10:22 PM |
عجل الله الفرج =الرافضي سيد كاظم الشرع | الرافضي سيد كاظم آل حمادي المحمودي الموسوي | الإمام الحجّة ابن الحسن صاحب العصر والزمان (عج) | 1 | 2016/08/30 10:30 PM |
| |