نعي باجر يسألونك و تتحاكم مؤثر جدا للسيد الصافي -مكتوبه

[بسمة الفجر]

نعي باجر يسألونك و تتحاكم مؤثر جدا للسيد الصافي -مكتوبه

بسم الله الرحمن الرحيم

السلام عليكم ورحمة الله وبركاته

السيد محمد الصافي هذا الخطيب القدير ماذا يقول

بنعي عنوانه )- باجر يسألونك وتتحاكم - وين قضيت العمر ياابن أدم

باجر يسئلونك وتتحاكم .. وين قضيت العمر يابن آدم .

ياابن آدم التفت وأسمع الصوت ..
لاتغرك ولد واموال وبيوت ..
أش ماتريد تعيش تاليها تموت ..
وتدري ملك الموت مايتفاهم ..

باجر يسئلونك وتتحاكم .. وين قضيت العمر يابن آدم .

العمر يمشي وهاي ساعاته تنوب ..
وأنت يوميه بأمل باجر وأتوب ..
شنهو رأيك تحط لذنوبك ذنوب ..
ورأيد حمولك بعد تتراكم ..

باجر يسئلونك وتتحاكم .. وين قضيت العمر يابن آدم .

الموت ماتعلم بياساعه يجيك ..
وحصتك تخلص بعد وشلون بيك ..
يصير قبرك بيتك وينسد عليك ..
وآه ياظلمه من يتلايم ..

باجر يسئلونك وتتحاكم .. وين قضيت العمر يابن آدم .

القبر بيت الدود وبوحشته يضيج ..
لا ولد وياك .. لاخل .. لاصديج ..
يبقى لك بس العمل هو الرفيج ..
وايده بيدك للقيامه ملازم ..

باجر يسئلونك وتتحاكم .. وين قضيت العمر يابن آدم .

تنسئل عن أربعه بيوم الحساب ..
وأنت ياأبن آدم اش عندك من جواب ..
بالحشر وقفتك يمّ رب الأرباب ..
صحبة وأنت وياها ماتتوالم ..

باجر يسئلونك وتتحاكم .. وين قضيت العمر يابن آدم .

عن شبابك تنسئل أول سؤال ..
بيمن أبليته ياابن آدم تعال ..
جنت تمشي بطاعة الله والحلال ..
لو جنت تأخذ اعراض العالم ..

باجر يسئلونك وتتحاكم .. وين قضيت العمر يابن آدم .

والسؤال الثاني عن مالك منين ..
بيا وسيله مجمّعه ووديته وين ..
قاسمت بالمال رب العالمين ..
لو إبليس وياه كنت تتقاسم ..

باجر يسئلونك وتتحاكم .. وين قضيت العمر يابن آدم .

لون مالك منجمع من الحرام ..
أقرأ ياابن آدم على الرحمه السلام ..
الله مايحرم الكل قلبه ظلام ..
الله يحرم ناسنا تتراحم ..

باجر يسئلونك وتتحاكم .. وين قضيت العمر يابن آدم .

لو حلال المال يالّمالك جثير ..
هم عليه تنسئل وقبالك يصير ..
لايتيم انطيت منه ولافقير..
ولافعل الخير مالك ساهم ..

باجر يسئلونك وتتحاكم .. وين قضيت العمر يابن آدم .
باجر يسئلونك وتتحاكم .. وين قضيت العمر يابن آدم .

واختم معكم بمقولة للإمام علي ( إعمل لدنياك كأنك تعيش أبدا * واعمل لأخرتك كأنك تموت غدا )

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

kud fh[v dsHg,k; , jjph;l lcev []h ggsd] hgwhtd -l;j,fi

[الملكه]

احسنتم
جزاكم الله خير جزاء

[عابر سبيل]

شلون بيه لو ثقل وزن حسابي,,,,,, و انترس من المعاصي كتابي
اشلـون بيَّ لو قرب مني الأجـــل ,,,,, و أخـذ سمعي الموت والساني انثجـل
ظلَّت اعيوني تدير اعلى الأهـــل ,,,,تشوفهـا اتهل الدمـع لمصـابــي
اشلـون بي النفـس لو مني خمــد ,,,,, او مني ملك الموت أخذ روحي او صعد

قراها الرادود المرحوم حمزه الصغير ...