زنجيل ابوذية

[ابوشهد]

زنجيل ابوذية

*
* * *
*
اللهم صلي على محمد وال محمد الطيبين الطاهرين
*
* * *
*
لله كل دعوتي وقبل الدعاء احمد
وعليه اقسم قسم بالمصطفى احمد
كضيت عمري جزر مامر شفت احمد
*
* * *
*
ودنياي وي ناصبي يا صاح جارت علي
يا روحي كفي الحزن والراس خلي علي
عبره اخذي من الوصي طلكهه كبلج علي
*
* * *
*
ما غرته دنيته حين اصبحت زهره
ويا روحي مامش شهد كل دنيتج زهره
بجور وهظم كوضت مظلومه يالزهره
*
* * *
*
نكصد بقيع الحزن ونزور يمته الحسن
ويا ربي ما مر وكت ويانه نوبه حسن
دين آل طه فخر يا لايمي واحسن
*
* * *
*
هالدين خير العمل من احسن ولحسين
منهل شفاعه الي دنيه وحشر لحسين
ابكل كلب والنبي باقي عزه لحسين
*
* * *
*
شما تركع بدنيتك وشما تظل سجاد
وابني جوامع ذهب وافرش ذهب سجاد
ما ينفعك بالحشر بس وكفت السجاد
*
* * *
*
حق الولايه العلي يالايمي باقر
وبكل علم يلمت بيه الوصي باقر
ويه الانصاري النبي سلم على الباقر
*
* * *
*
ويامن توالي علي سير بعهد صادق
الدسكره البالحشر بيهه علي يصادق
من امي اناه ارضعت حب جعفر الصادق
*
* * *
*
بحبهم يهون الحزن والغيضي اظل كاظم
وهالحب لاينجلي ولا فكر كاظم
ولو عسرة حاجتي اتعنه للكاظم
*
* * *
*
يالايمي بحبهم هاك العظم رضه
وقابل تكطع الكلب بهل الحب انه ورضه
يندار يمته الوكت ونزور يمته الرضا
*
* * *
*
حاتم الطائي ذبح لضيوفه بس وجواد
وحسين كل عيلته دين وشرف وجواد
روحي وحياتي نذر لمحمد الجواد
*
* * *
*
يا عيني كفي الدمع بسج بعد هادي
بدين ال طه ثبت الرب العرش هادي
وصبيه دم الدمع لمصيبة الهادي
*
* * *
*
ياروحي وبكل حزن لآل النبي عسكري
التاريخ يذكر لمن صاح البغي عسكري
نزلت املاك السمه لمن دعى العسكري
*
* * *
*
يالايمي شضل بعد مالك علي حجه
لومك تعرفه حقد من بظهر الحجه
كوم اكصد الكربله بكل خطوه الف حجه
*
* * *
*
ولا تحزن بدنيتك ولالا تضل عباس
كل الحوايج تفل من تكصد العباس
تالكا لكل معضله راعي العلم عباس
*
* * *
*
الدنيه لأهل الرده عدله وتجي ميسره
اليمنه شيعة علي والضدته ميسره
اقسم بظلع ام حسن والراحت ميسره
*
* * *
*
بالنار والجنه علي هوه الذي قاسم
وبالجنه كل شيعته رب العرش قاسم
اتزور جن الرضا من تكصد القاسم
*
* * *
*
ويا زائر اكناف الحمى كوم ابتدي بمسلم
العاداه لا والنبي ما ينحسب مسلم
يشفع سفير الهدى للزاره ومسلم

(عليهم السلام)

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

.k[dg hf,`dm

[محبة الاحزان]

مشكور على الشعر الرائع جزاك الله الف خير نتضر جديدك بشوق ولهفه

[الياس الموالي]

اللهم صلِ على محمد وال محمد وعجل فرجهم


بارك الله بك

موضوع جداً رائع

تقبل مروري

[عبدالله الكبيسي]

مشكورين
عاشت الايادي
ربي يديم التألق والابداع
يااااااااااااااااااااااااارب