2013/09/15, 09:44 PM
|
#1
|
|
معلومات إضافية
رقم العضوية : 67
تاريخ التسجيل: 2012/03/04
المشاركات: 4,509
المستوى : 
|
ديرة الفقرة
ديرة الفقره
بديرة الفقره سوالف بايته بحلگ الرصيف..
بديرة الفقره جرح شايل قصايد..
جرح لابسله قميص من النزيف..
ديرة الفقره انعدم بيها الربيع..
وكلشي اصبح لونه اصفر..
حتي سالوفت عشگنه اثيابها اتبدل خريف...
ما لگينه الکحل لعيون القصيده..
الهسه رمده ومايفارگها الرفيف..
آه يا ديرة فقرنا اشگد نحن لعجودچ المليانه شوگ..
آه من عثرات شارعنه الدفنه ابطينه کل الذکرياة...
آه من حوبة ملح خبزات اُمنا ..
چنه من انبوگ چلمه انخاف نحلف بالرغيف..
آه من ذيچ الليالي السامرتنه وساهرتنه..
چنه نلبد بلعجود ونشرد بگاع الطفوله.. ،
چنه اکبر من عمرنه.. اهواي اکبر..
بينه لون من الرجوله..
آه يا اُمنا الخجوله..
اُمنا ياشيخة نساء الکبرياء. .
اُمنا ماعدها رياء..
شمعه ضوّاها الصبر دين وحياء...
من يمر طاري الضحک بشافنه اتشوف السوالف تنکسر مثل الشجر..
واُمنا فوگ اخدوها ايسيل النهر...
.چانت اتغطي المصايب و الجروح ..
اي يبستان الطفوله اشگد تفوح ..
بحايط الأفکار ذکري وما تروح .
باقيه اتسولف جرح ينزف حنين ..
باقيه اتسولف عشگ ذيچ السنين..
آه من ذيچ السنين . آه من ذيچ السنين...
ومرّت الأيام رمشه ..اشگد سريع العمر عده ..
رد يعمري .. رد يعمري
احلامي مزروعه ابحضن ذيچ المخده .
رد علي ساعه واخذ مني صفنتي..
خنجر الصفنه ذبح طفلة ضحکتي..
مر على اتراب الشفايف غيمه سوده..
اعيوني ترفه وحيل ذبّلها السهر..
انا محتاجك مطر...
انا محتاجك گبل لا انتهي ابدرب السفر..
الشاعر سيد حسن الشريفي-الأهواز
]dvm hgtrvm
|
|
|