و دى نسخة خاصة لاحلى منتدى و احلى بنات :
اكتر حاجة بتحير البنت و بتشغل بالها ازاى تختار لبسها بشكل صح !؟؟
والحيرة بتزيد طبعا لو كانت مخطوبة وفرحها قرب أو كانت عروسة جديدة .
فالمخطوبين و اللى فرحهم قرب يركزوا اووووى
العرايس لازم تهتم بلبسها كله بصفة
عامة لانها هتنقى لبس خاص بالبيت و بالخروج و المناسبات الخاصة..الموضوع مش متوقف على فستان الزفاف و بس !
[IMG]http://viatoreschristi.com/wp-*******/uploads/2013/02/clothes.jpg[/IMG]
اختيار
الملابس فن وبيعتمد على حاجات كتير .
تعالوا نعرفها سوا:
1_و دى نصيحة شخصية منى لأى بنوتة
الثقة بالنفس أهم عامل !
كل ما وثقتى فى نفسك أنك جميلة هتكونى فعلا جميلة
و مفتاح ده البساطـــة
بساطتك هى سر جمالك .
2_
احذرى ثم احذرى
التقليد الأعمى لخطوط الموضة
اختارى دايما اللى يناسبك بعيدا عن كونه موضة أو لا !
3_
اختارى دايما ملابس مناسبة لشكل جسمك :
لو كان جسمك مليان شوية عند الخصر:
جربى ملابس فضفاضة عند الخصر وابعدى عن البناطيل الضيقة اللى بتبرز منطقة البطن أو الأحزمة و البديهات القصيرة.
أما لو كان جسمك مليان فى الجزء السفلى عن العلوى:
ابعدى عن السترات أو الجيبات الواسعة و البناطيل الجينز الضيقة.
ولو العكس و مليانة من الجزء العلوى عن السفلى البسى جيبات واسعة شوية عشان يبقى فى توازن ما بين الجزء الاعلى و الأسفل
أما الأجسام اللى بيتقال عليها Hour glass أو الساعة الرملية
يعنى مليانة من فوق و تحت بس الخصر رفيع:
فاختارى دايما اللبس اللى يتظبط مع منحنيات الجسم .
اختيار اللبس فى نوعية الجسم ده صعبة شوية بس لازم تدورى و تجربى كتير عشان تلاقى المناسب.
أما الأجسام الرفيعة من أعلى و أسفل:
يجب تجنب تماما الفساتين أو التونيكات الضيقة.
4_
تحققى من جودة
الملابس و نوعية الأقمشة.
وافتكرى دايما أنك تاخدى بالك من التعليمات الخاصة بالغسل و الكوى و درجات الحرارة المناسبة.
5_ادى لنفسك وقت أنك تدورى و تنقى براحتك عشان تلاقى اللى يناسبك.
6_بالنسبة لاختيار الألوان ده بيعتمد على أساسيات كتير
منها لون الشعر و درجة بشرتك.
لو مش محجبة أو محجبة و بتختارى ملابس للبيت
لازم تهتمى بلون شعرك و تنقى
الملابس المتوافقة معاه
لو كان شعرك أشقر هيناسبك اوى الألوان الساطعة زى الأصفر و الاورانج.
أما الشعر الأسود يناسبه أوى الاخضر و الأزرق و البنى.
و الشعر الأحمر البنى و الأوف وايت و الأورانج.
والشعر الرمادى الأحمر و الوردى.
و بالنسبة للون بشرتك
اختارى الألوان اللى تخليكى مشرقة و بشرتك متألقة.
و استبعدى الألوان اللى تظهر بشرتك بشكل باهت و شاحب.
7_لكل مقام مقال.
بمعنى أن لبس الشغل حاجة و الخروجات و السهرات حاجة تانية خالص
فى الشغل اختارى لبس عملى و مريح و كاجوال عشان يريحك فى الحركة
أما فى الخروجات المهمة و السهرات لازم دايما تظهرى أنوثتك بلبس رقيق و شيك
ببساطة و تلخيصا لكل ده انتى اكتر واحدة تقدر تحدد المناسب لجسمك و شكلك و طلتك.
اتمنى يكون الموضوع نال اعجاب بناتيت المنتدى :)
lug,lhj uhlm uk tk hojdhv hglghfs g;g hgfkhj!!