السلام عليكم ورحمة
الله
اللهم صلِ على محمد وآل محمد
بسم
الله الرحمن الرحيم
حلمت وكأنه فيه شخص في بيتنا من بلد اخر ( شرق اسيا ) وكانه بيشتغل في بيتنا وهو رجل شعره طويل شافني ومسكني بقوه كانه يبي ياذيني وبعدها هددني ورحت لامي وانا اطالع فيه اقول منهو هذا وبعدها كانه قام يسبني وانا ماافهم كلامه عدل وشوي مشيت الا هو يلاحقني يبغى يقتلني ويرمي علي سكاكين كبيررره ويلاحقني يهددني بيقتلني لكن مافي شي صادني منه ودخلت انا وامي غرفة امي وامي حطت راسها ع السرير وبكت من حالتي وانه يبغى يقتلني وقفلت الباب قفلتين ورحت اتخبيت جنب سرير وكان فيه غطاء فراش تغطيت تحته وقلت اذا جالي انا بكون متغطيه وبانادي امامي علي عليه السلام وماراح يصير فيني شي وبعدها كانه اخواني صارو بالغرفه وخواتي و دخل ابوي الغرفه بعدها دخل وراه هذا الشخص وصار يدورني وشافني وانا متخبيه وكنت انادي الامام علي وطلعت من مكاني وقمت انازعه واقاومه واضربه وكان فيه مقصات ع دولاب الملابس اخذتهم وضربتهم فيه بالتحديد على كتفه وظهره وبعدها راح مادري وش صار له دخل مكان كله سواد وطلع لنا مثل الحيوانات كبيره مفترسه كان عليهم نار من نفس المكان الاسود اللي دخل منه والمفروض انا اعرف وش اسوي بعدها كانه فيه مجسم طاوله مثل الدائره طاوله يمكن مسكوها خواتي وانا مسكتها معاهم وسحبناها لمكان الحيوانات اللي طلعت لنا وصارت الدائره المجسم قدامهم وماقدروا يتحركون الحيوانات
ملاحظه قبل النوم انا كنت طالبه من الامام علي عليه السلام طلب
وفقكم
الله ..
hv[, hgjtsdv ,tr;l hggi