[النبأ العظيم]

ابوذيات عن الأمام علي ابن ابي طالب(عليه السلام)

حبك يابو الحسن لجنون عقلي وصل

موجنناني فقط بل كطعاني وصل

عيد من اطوف بحضرتك افرح وسبح وصل

ولساني ينكط شهد لو ذكرك عليه يمر

المجمور كلبه علي بسمك يطفي اليمر

هناك السراط السوي وممنوع احد يمر

الا بسمك حيدره لازم يكص الوصل


نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه


كلبي عله الولاية بحيل لازم
يبايع حيدره حال لازم
علي بالحرب جفه السيف لازم
اويدافع دوم عن حك البريه


يتاج ابـراس أهل الحگ والاشراف
ونور الـــــباري بالهيبه والاشراف
الكعبه الهـا شرف عالي والاشراف
الــــك بــيت الـــولاده أصبحت هيه

علي اولايتك جانت وحي والهام

وذكر اسمك يزيل الكدر والهم

علي تنقذ الگلبه انشغف ولهام

ابحبك ياحبيب الله و وليه

علي صرت ابحرم الله وبيته
انشگ وبيه الك مولد وبيته
علي ارفضت الظلم كله وبيته
علي وشيعتك مثلك رافضيه


خطفت افكار خصمك ونتباهه
الفضائل ربت عدك ونتباهه
انتفاخر بيك حيدر ونتباهه
ونكول انحب علي حامي الحميه

علي الجنة انته ونته مالـــــــــك
المراجل سجل بسمك ونته مالـك
يلم بالمال غيرك ونته مالـــــــك
تفضة على اليتامى بكل مســـية

نسالكم الدعاء

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

hf,`dhj uk hgHlhl ugd hfk hfd 'hgf(ugdi hgsghl)