خربت من شفت جنحان عند الفيل

[ابوشهد]

خربت من شفت جنحان عند الفيل

خربت من شفت جنحان عند الفيل
ومن شفت النوارس صارت ذيابه
.
وخربت من شفت مره الأسد مرعوب
خايف ما طلع بالليل للغابه !
.
مجنون الزمن لو عقلي المجنون
هذا الشفته من هو اليعرف اسبابه ؟
.
وجبت ايدي غصب گتلهه فركي العين
بلكي مو صدگ وينچ يا سبّابه !
.
تالي اتيقنت موبس حلم لا طيف
واقع حال بس ظنوني مرتابه !
.
شفت الناس .. بعض الناس .. غير الناس ..
شفت الناس نفس الشفته بالغابه !
.
واحد من يهد ويهد گبل بالسيف
عاف السيف هسه وينخه بگراب !
.
واحد مقتنع يوسف كلاه الذيب
وتگله چذب وايگول لا يابه !
.
واحد ما دره .. ما يعرف الي صار ..
شاهد راح لمن صارت اطلابه !
.
واحد ينسأل تعرفهه بت فلان
جاوبهم چذب وايگول حبابه !
.
واحد چان واحد هسه صار اثنين .. لأن وجهين عنده وغاش اصحابه
أو .. واحد ..
أو .. واحد ..
أو .. واحد ..
.
والاضرب بعد سألوا طفل بالعيد
شتحب تشتري .. شنجيب لـعّابه؟
دبابه صرخ يلعب حرب
وايريد ميعيّد اذا ماعنده دبابه !
.
وطفل ثاني شرد يرضع شوارع گام
ويكره للأسف مدرسته وكتابه !
.
وطفل ثالث .. وطفل رابع .. وطفل خامس ..
.
واخيراً
مجنون الزمن فعلاً طلع دولاب ..
وبكيفه يفر لو راد دولابه ..
وبكيفه يفر لو راد دولابه ..|

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

ovfj lk atj [kphk uk] hgtdg

[النبأ العظيم]

بالفعل كلشي تغير بهذا الزمن
مشكور على القصيدة الرائعة
جزااك الله خير

[أكسيرالعشق الحسيني]

.
شفت الناس .. بعض الناس .. غير الناس ..
شفت الناس نفس الشفته بالغابه !

كلش عجبني هذا البيت ... احسنت كلمات مؤثرة وتنطبق على الواقع

[ابوشهد]

شكرا لمرورك الجميل اختي
وفاء الموسوي

[ابوشهد]

شكرا لك اختي الغالية (اكسير العشق الحسيني )على المرور الجميل