لسيدي ابي الفضل ..بلسان العقيله بعد المعركه وداع الجثث الطاهره

[الشاعر صباح العنبكي]

لسيدي ابي الفضل ..بلسان العقيله بعد المعركه وداع الجثث الطاهره

موشح للعباس عليه السلام

صباح العنبكي/25 ذي الحجه/1433

جيت اودعك يل كمر كبل الرحيل

يل مصــــــــــابك بالكلب ماله مثيل

××××××××××××××××××

جيت اودعك يل كفلت العايله 1

انت كلت ويــاي كومي لكربله

تعوفني ويه عـــداك وانه مدلله

مدللة عــــــباس والمدمع يسيل

××××××××××××××

مدللة عـــــــــباس تحتاج الامان

والله عجبه شلون دورات الزمان 2

لا خـيم ظـلت ولا ظـلي مكــــــان

منين ما ادير الوجه اسمع صهيل

×××××××××××××××

منين ما ادير الوجه اسمع صياح

وروس جدامي تلوح اعله الرماح

امس وين الـــــيوم وين وبالصباح 3

عكب عزي اعله الهزل بين العويل

××××××××××××××××××××

عكب عزي وهـــــــيبتي والجاه ذاك

دارت اعليه الـــــــــعده بطيحة لواك

من يردني لـــــديرتي ودرب الهلاك 4

كمت احسه برحلتي ودربي الطويل

×××××××××××××××

غير درب الغربه وفراك الاهل

ما بقه عـــــــندي ولا ضلي امل

وتدري دلالي على الفركه اشتعل

يوم طاح حســـــين بالحومه قتيل 5

××××××××××××××××

يوم طاح حسين عكبك يل كمر

اهـــــــتزت الدنيه لجل دم النحر

ومن وصلنه الجيش راوانه الامر 6

يوم كال من الخـــــــــيم يله نشيل

×××××××××××××××

يوم كال انـــــــشيل يا خويه بجيت

وشكثر بيك اشكثر صحت ونخيت

ها ي يبو فاظل عله خيامك بطيت 7

وارجع لامري وكلت صبر جميل

×××××××××××××××××××××

وارجع لامري واصد اعله الطفوف

وجثه جثه اعله الترب كمت انه اشوف

تسابقت كلهه عله ملـــــــكات الحتوف 8

لجل تنـــــــــطي اعله العده اعظم دليل

××××××××××××××××××××

لجل تنطي اثبات خــــــالد للابد

وتنطي للتاريخ من يروي السند

هذا ابو اليمه وفه بنحره الوعد 9

وحول اعليه الامر هذا الثجيل

×××××××××××××××××

حول اعليه الامــــر يابو الاباء

وهذ اخذته وياي يا خويه اللواء

وضلت انوار الــهدايه بكربلاء 10

تروي قصتنه بقت جيل اعله جيل

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

gsd]d hfd hgtqg >>fgshk hgurdgi fu] hgluv;i ,]hu hg[ee hg'hivi