الطبيب =كربله مستشفى =سيد كاظم الشلرع

[الرافضي سيد كاظم آل حمادي المحمودي الموسوي]

الطبيب =كربله مستشفى =سيد كاظم الشلرع

الطبيب
---------
كربله مستشفى صارت كربله
والطبيب حسين أبن عقد الوله
زورها وجرب الطبيب
و بـأذن ألله تطـيب
والشفة عباسهم متكفله
كربله مُستشفى صارت كربله
----
جامعه أسسها سيد ألمرسليـن
شـــــيد ألبـُنيان أمير المؤمنين
بيه درسوّا بني الزهره الطاهرين
صار دكتور الطفل دامـــي الوتين
الصيدلي العباس مكطوع اليمين
بروفسور الحسن بيها والحُسين
بقبره مقبول الدُعاء
تربتــــه بيها الشفاء
تشافي كل عله ثجـيله ومعضلة
كربله
----
خل نيتك صافيه وأصدق القول
توكل على الله والهادي الرسول
وعتني المستشفى فاطمة البتول
تحضه بالترحاب بيها والقبول
بيها ما تلكي وساطة ولا ميول
روس ما بيها ولا بيـــها ذيول
الناس كلهم بل سوه
تراب الحسين الدوه
يشافي كل حاله مزمنه ومشكله
كربله
===========
بصيدلية حسين مجــاني الدواء
بكثره متوفر تحصله بلا عنـــاء
مختبر ويحلل بأمر السمــــــــاء
بالدوه التطيه مضمون الشفاء
ما عليك إلا التوسل بالــدُعاء
تزول أمراض الخبيثه ويا البكاء
ابكبته مقبول الدعاء
تربته بيها الشفاء
واليزوره يطيب ويرد ألهله
كربله مستشفى صارت كربله
----
كُل بني الزهراء سفناً للنجاة
همَ ماي العـــذب منبع للحيات
غيــر مـنبعهم منابـع آسنات
ويا حبهـــم ما تظر السيئات
وي بغضهم مـا تفيد الحسنات
أليلتزمهم ينجَى مـن المُهلكات
حـُبهم من الله أنفرض
بيهـــــم يزول المرض
مختبر باري السـماء يحلله
كربله
----
يلي بيك آلام صعبات وشـــداد
آني أدليك أعله أبــواب المراد
كضوا كلهم ذبح بدروب الجهاد
أقصد خريسان وعلن بالـــحداد
وعرج الجامعة موسى والجواد
الباري خولهم يشافـــون العباد
تلكي هاي ألجامعه
بمنهج الطب لامعه
بجامعة طـه النبي متواصله
كربله مستشفى صارت كربله
===========
بعد روح وأقصد الهادي النقي
لا تــكـول مفجره كــبت التقي
موش بالبنيان مجـــدَه يــرتـقي
ذوله عنوان المجد وأهل الرُقي
عايشين بكلب كـُل مومن تقي
أبو صالح عـدل حيُ يُـرزقــي
ألمهدي دكتور العصر
يحقق بجفـــه النصر
يهَدّم أركان ألضلاله الباطلة
كربله مستشفى صارت كربله
----
يل مصاب بمرض مزمن لوخطير
آني أدليك بشخص بالطب جدير
أكصــد العباس أدخـل وستـجير
ولله أبو فاضل عله الصعبه قدير
أكـرمـه الباري كرامه بلا نـضـير
أبــدل الجــفيـن جـنحان ويطير
توسل بغربة حسين
توســـل أبأم البنين
تنقبل بيهم بسـرعه ألمسئله
كربله مستشفى صارت كربله
-----
بعد لا تنسه الغريبه الصابره
عكب واليه تروح ميـــــــسره
الباري أكرمه كرامه باهره
صار مرقدها مزار ومفخره
شامخ مرصعـه بدرمنايره
وكبر ظالمه خرابــه مقفره
ألله يجزي المحسنين
بالخصوص الصابريــن
والكصد لـيه مرامه يحصله
كربله مستشفى صارت كربله

============

سيد كاظم الشرع

المصدر: منتديات شيعة الحسين العالمية اكبر تجمع اسلامي عربي - من قسم: عاشوراء الحسين علية السلام

---

hg'fdf =;vfgi lsjatn =sd] ;h/l hgagvu lsjatn ;h/l hgagvu hg'fdm ;vfgi

[الرافضيه صبر السنين]

اللهم صل على محمد وال محمد
بارك الله فيكم وجزاكم الله خيرا