2016/09/07, 10:40 PM | #1 |
معلومات إضافية
|
يجاسم حقق اضنوني =الرافضي سيد كاظم الشرع
قصيدة بحق القاسم بن الحسن المجتبى عليهما السلام ---- ابوذيه =ولامال انوح عليك كل دهري ولامال=بوجودك ما وكع حملي ولامال يجاسم حققت حلمي ولامال=بنصرتك للغريب بن الزجيه مثل حن الفصيل عليك حنيت=ضلوعي من سبب فركاك حنت بدال الحنه فـيض دماك حنيت=راسي وشيبتي وجفوف أديـه -------- القصيده يجاسم حقق ضنوني =شوفك يبني يحيــني أمك وتعبت برباك=ألمثل هل يوم أترجاك يبني وفرة اعيـــــوني يجاسم حقق أضنوني =========== هدف كل أم تربي وليد=تريده يــــكبرويسلم تذخره للكبروالـشيب=بـجـالـــه تريـد تـتنعم لو ماتت يشيعــــــها=وعليها ينصب المـأتم وسافه ما حصل هذا=الرمله الربت الجاسم طبت كربلــه وشافت=لن بيها الفزع مــلتم يريد يسـلب النسوان=ويحرج تالي الـمخيم نادت يا رفيع الشـــان يجاسم هجمت العدوان يبني كـــــــــــوم حاميني يجاسم حقق ضنوني --------------- يجاسم سلوتي بدنيـــــــاي=يبني بوجهك اتسلـــه جنت متأمله يولــــــيدي=بيدي انصبلك الكلـــــه اشكثريبني اتعبت برباك=المثل هل يوم متأمله أنا اشبيدي القدرنـــاداك=كوم اتوكـل على الله جرد سيفك ابيمنــــــاك=يبني والعرس خلـــــه بيض وجهي يبني انخاك=يم جـدك رسول الله عند الطاهره الزهره ويم حيدرابو العتره يبني وقرةاعيونـــــي يجاسم حقق أضنوني ------------ رمله تكله يوليـــــــدي= يبني الساعدك شَمّر وصيه من الحسن عندي=ألك يوليدي يمشكر يكلك من تشوف حسين=عمك حايطه العســكر بروحك يبني جود عليه = وفديه بدمه المنحر دافع دون أبو السجاد=يبني وي علي ألأكبر كال ألها ييمه هـاي=الوصيه عنــدي وتذكر أمني بألله لتخــــافين فدي ركبتي لحسين ما يحتاج تنـــــــخيني يجاسم حقق ضنوني ============ تعبت برباك يل الجاسم= نهاري وليلي سهـرانه سهرت يبني على تربيتك= أكضي ليلي فرحانه يبني مـن أنظر ألطــولك=أشــوف المُجــتبى ويانه جـنـت مـتـأمـلـه يوليدي= بـيـك يــعــــود ديـوانـــه ماأدري الدهـر غــــــدار= بـسرعــــه يـبـيع خلانه يضل عمك بدون معـين= يـبني وتبكـــــه نسوانه بين أرجاس متيسره خيمها بنار متوجره وهل كوفان تولــيني يجاسم حقق ضنوني ----------------- جنت متأمله يـل جاســــم= بعرسك يبنـــي أتهنه يـزفونـك بـني هاشـــــــم=عمامك بــيــك تـتغـــنه مثل عرسك عرس ماصار=ولا هـل زفه والرنه نـبـل وسيوف والنشاب=بـدال ألشمعه والحـــــنه المحبوب الحبيبه يروح=يـمشــي بهونه يـتـــثــنه وأنت الزفـتـك يبني= بســرعه تروح تـتـعـنه مجرد بيدك البتــــار حصد سيفك ألأعمار بصولاتك تسلـــــــــيني يجاسم حقق ضنوني ---- جاسم من سمع امه=تحشم والدمع بالعين نهض وينادي يا رمله=انا شبل الحسن تدرين وجدي داحي البيبان=علي فارس بدر وحنين خل عينج تكر وتنام=امني بألله لا تخافـــــين يمي بيمنتي افديج=وفدي أيساري دون حسين صاحت والثلث تنـــعام من شبل الحسن جسام ابني وقرة اعيوني==يجاسم حقق اضنوني ------------ مـثل رمـله أظن بالكون = ولا وحـده الـتجاديه تحـشم بالولـد عـريـس=الـعروســك كوم ناغــــــيه عروسـك ساحت الميدان=يـبـنـي وأنـت هاويـــــه خـيـّمـنه أتـلاهـبت نيـران=خلافك مـن يـطـفــــيه راح الجــــــــــــان كافله = ومتوزم يحاميهــــــه عـمك عـل نهر مطــروح= وأنت اليوم واليـه يجاسم كوم لفتنه الكوم يبني تريد تسبيـــــني يجاسم حقق ضنوني -------------- بس أم الحـزن زينب=مثـله وزادت علـيها رمله بس ولد واحـد=المصيبه اثرت بــيها وليلى فكدت ألأكـــبر=الرباب أبنيها ماذيها الله يساعد ام حسين=كل هذا الألم بيــــها وزينب بت علي الكرار=فكدت كُل أهالـيـها والأعظــــم على الحره=شمر للكوفه حاديهـا تنادي بصوت مامسموع عفتوني بكلب مفجوع عكبكم من يحاميني يجاسم حقق ضنوني ============= خادم الحسين ع الرافضي السيد كاظم الشرع الموسوي المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية d[hsl prr hqk,kd =hgvhtqd sd] ;h/l hgavu hg.vu hqk,kd d[hsl التعديل الأخير تم بواسطة الرافضي سيد كاظم آل حمادي المحمودي الموسوي ; 2016/09/07 الساعة 10:55 PM |
2016/09/08, 01:00 AM | #2 |
معلومات إضافية
|
كلماتكم كاني اعيش فيها واقعة الطف وارسم بوجداني كيف رست تلك الخيول
دائماً تبهرني بقلمكم المميز ... تحياتي ياشاعر اهل البيت عليهم السلام . |
2016/09/10, 08:59 AM | #3 |
معلومات إضافية
|
|
2016/09/10, 03:29 PM | #4 |
معلومات إضافية
|
جميل ومؤثر جداً
سلمت أناملك ودام قلمك يخط كل ما هو مميز ورائع في حق أهل البيت (عليهم السلام) وخدمتهم أجرك على الزهراء |
مواقع النشر (المفضلة) |
الكلمات الدلالية (Tags) |
=الرافضي, الزرع, اضنوني, يجاسم, كاظم |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اعياد الغدير=الرافضي سيد كاظم الشرع | الرافضي سيد كاظم آل حمادي المحمودي الموسوي | الرسول الاعظم محمد (ص) | 6 | 2016/09/13 08:54 PM |
لا تهيجوني الرافضي سيد كاظم الشرع | الرافضي سيد كاظم آل حمادي المحمودي الموسوي | الشعر الشعبي | 6 | 2016/09/10 09:13 AM |
ليش ابو فضل==الرافضي سيد كاظم الشرع | الرافضي سيد كاظم آل حمادي المحمودي الموسوي | عاشوراء الحسين علية السلام | 0 | 2016/09/01 10:29 PM |
ليش ابو فضل==الرافضي سيد كاظم الشرع | الرافضي سيد كاظم آل حمادي المحمودي الموسوي | عاشوراء الحسين علية السلام | 0 | 2016/09/01 10:29 PM |
غريب الدار = الرافضي سيد كاظم الشرع | الرافضي سيد كاظم آل حمادي المحمودي الموسوي | عاشوراء الحسين علية السلام | 0 | 2016/09/01 10:20 PM |
| |